Parsy patshasy Darı İ de bizdiń zamanymyzdan burynǵy 519 jyly saqtarǵa joryq jasaǵan. Bul joryqta Darı I shoshaq bórikti saqtardy (tıgrahaýdalardy) jeńip, olardyń qolbasshysy Skýnhany qolǵa túsiredi. Tıgrahaýda-saqtar bul shaıqasqa deıin parsylarǵa baǵynyshty bolmaǵan. Saqtardyń qajyrly qarsylyq kórsetýiniń arqasynda Darı I jeńiliske ushyraıdy. Jortýyldardyń birinde Darı patsha saqtardan áreń qutylady. Ol jaralanǵan jaýyngerleri men kólikterin tastap qashady. Darıdiń osy joryǵy kezinde Shırak (Shyraq) degen bir saq jaýyngeri óz denesin ózi jaraqattap, parsylarǵa qashyp barady. Ol ózin taıpalastarynyń jazalap, tastap ketkenin aıtyp, olardan kek alý úshin parsy áskerin bastap aparýǵa ýáde beredi. Osylaısha parsy áskerlerin aldap, shól dalaǵa adastyryp áketip, sýsyz dalada qyrǵynǵa ushyratady.