Aǵylshynnyń «Bernlı» klýbynda jalda oınap júrgen qazaqstandyq shabýylshy Dastan Satpaev Brıtanıaǵa kelgen Qazaqstan jastar quramasynyń fýtbolshylarymen kezdesti, dep habarlaıdy infohub.kz saıty.
Qazaqstan fýtbol federasıasy Instagram áleýmettik jelisinde aǵylshyndyq «Bernlı» klýbymen birlesken jazba jarıalady. 18 jastaǵy shabýylshy londondyq «Chelsıden» osy klýbqa bir maýsymǵa jalǵa berilgen. Taratylǵan beınejazbada Dastan Satpaevtyń sol kúni Brıtanıaǵa kelgen jastar quramasynyń oıynshylarymen jyly kezdesýi túsirilgen.
«Kim ekenin tappańdar. Dastan Satpaev bizge qonaqqa kelip, aldaǵy machtarda sáttilik tiledi. Qazir Dastan jaraqatynan keıin emdelip, alańǵa oralý úshin ońaltýdan ótip jatyr. Saǵan tezirek saýyǵyp, sapqa qaıtýyńdy tileımiz, Dastan! Biz saǵyndyq!» — delingen jazbada.
Aıta keteıik, búgin Qazaqstannyń jastar quramasy (U21) fýtboldan Brıtanıaǵa kelip, Eýropa chempıonaty-2027 irikteý týrnıriniń machyn ótkizedi.
Buǵan deıin Qazaqstan quramasynyń ÝEFA Ulttar lıgasynyń jaqyn machtaryna arnalǵan túpkilikti tizimi belgili bolǵany habarlanǵan edi. Aǵylshyndyq «Bernlı» shabýylshysy Dastan Satpaev keńeıtilgen quramda bolǵanymen, túpkilikti tizimge enbedi. Qyrkúıekte 18 jastaǵy fýtbolshy jaraqat alyp, klýbtyq deńgeıdegi sońǵy birneshe machty ótkizip alǵan.
26 qyrkúıekte Qazaqstan quramasy Farer araldary quramasymen kezdesedi.