Qazaqstannyń barlyq derlik aımaǵy qolaısyz aýa raıynyń yqpalynda bolady: «Qazgıdromet» mamandary tótenshe ystyq, burshaq aralas jańbyr men qatty jelge baılanysty daýyldy eskertý jarıalady, dep habarlaıdy infohub.kz.
Batys Qazaqstan oblysynda qysqa merzimdi jańbyr men naızaǵaı kútiledi, soltústik-batystan soǵatyn jeldiń ekpini sekýndyna 15-20 metrge jetedi. Órt qaýpi joǵary bolyp qalady.
Almaty oblysynda qysqa merzimdi jańbyr men naızaǵaı, taýly aýdandarda qysqa merzimdi jaýyn-shashyn kútiledi. Aýa temperatýrasy +35…+37 gradýsqa deıin kóteriledi, jel sekýndyna 15-20 metrge deıin kúsheıedi, órt qaýpi joǵary bolyp qalady.
Pavlodar oblysynda qysqa merzimdi jańbyr, naızaǵaı jáne sekýndyna 15-20 metrge deıin jel kútiledi, sondaı-aq órt qaýpi joǵary.
Astanada jeldiń ekpini sekýndyna 15 metrge jetedi, ormandarǵa joǵary órt qaýpi tónedi.
Aqtóbe oblysynda jańbyr, naızaǵaı, burshaq jáne qatty jel kútiledi. Jeldiń ekpini sekýndyna 15-20 metrge deıin jetedi, aýa temperatýrasy +35…+36 gradýsqa deıin kóteriledi. Tótenshe órt qaýpi saqtalady.
Mańǵystaý oblysynda jańbyr, naızaǵaı jáne kúndiz burshaq jaýady dep boljanýda. Soltústik-batystan soǵatyn jeldiń ekpini sekýndyna 15-20 metrge deıin jetedi. Oblystyń ońtústiginde kúndiz +38 gradýsqa deıin qatty ystyq jáne órt qaýpi joǵary bolady.
Qostanaı oblysynda kúndiz nóser jańbyr, naızaǵaı, burshaq jáne qatty jel kútiledi. Jel sekýndyna 15-20 metrge deıin kúsheıedi, +35 gradýsqa deıin qatty ystyq bolady.
Shyǵys Qazaqstan oblysynda kúnniń ekinshi jartysynda qysqa merzimdi jańbyr men naızaǵaı bolýy múmkin. Kúndiz aýa +35…+38 gradýsqa deıin jylynady, jel sekýndyna 15-20 metrge deıin kúsheıedi. Oblystyń ońtústiginde tótenshe órt qaýpi saqtalady, tuman túsýi de múmkin.
Ulytaý oblysynda soltústik jáne soltústik-batystan soǵatyn jeldiń ekpini sekýndyna 15-18 metrge deıin jetedi. Kúndiz +35…+37 gradýsqa deıin qatty ystyq bolady, tótenshe órt qaýpi saqtalady.
Abaı oblysynda jańbyr, naızaǵaı jáne burshaq kútiledi. Túnde jáne tańerteń oblystyń soltústiginde tuman túsýi múmkin. Aýa temperatýrasy +35…+38 gradýsqa deıin kóteriledi, jeldiń ekpini sekýndyna 15-20 metrge deıin jetedi. Ońtústikte jáne ortalyqta tótenshe órt qaýpi saqtalady.
Qaraǵandy oblysynda jeldiń ekpini sekýndyna 15-20 metrge deıin jetedi, +37 gradýsqa deıin qatty ystyq, tótenshe órt qaýpi bolady.
Túrkistan oblysynyń taýly aımaqtarynda qysqa merzimdi jańbyr, naızaǵaı jáne qatty jel kútiledi, jel sekýndyna 15-20 metrge deıin kúsheıedi.
Jetisý oblysynda qysqa merzimdi jańbyr, naızaǵaı jáne ekpindi jel kútiledi. Kúndiz +35…+39 gradýsqa deıin qatty ystyq bolady. Oblystyń soltústiginde órt qaýpi joǵary, al ońtústikte, batysta, shyǵysta jáne ortalyqta tótenshe deńgeıde saqtalady.
Atyraý oblysynda anomaldy ystyqqa baılanysty tótenshe órt qaýpi saqtalady.
Jambyl oblysynyń taýly aýdandarynda qysqa merzimdi jańbyr men naızaǵaı kútiledi, soltústik-batystan soǵatyn jel sekýndyna 15-20 metrge deıin jetedi. Oblys boıynsha tótenshe órt qaýpi saqtalady.
Qyzylorda oblysynda +41 gradýsqa deıin qatty ystyq kútiledi, tótenshe órt qaýpi saqtalady.
Soltústik Qazaqstan oblysynda jańbyr, naızaǵaı, burshaq jáne qatty jel kútiledi. Túnde jáne tańerteń oblystyń batysynda tuman túsýi múmkin. Jeldiń ekpini sekýndyna 15-20 metrge deıin jetedi. Batysta jáne soltústikte órt qaýpi joǵary bolyp qalady.
Aqmola oblysynda qysqa merzimdi jańbyr men naızaǵaı kútiledi. Kúndiz +35 gradýsqa deıin qatty ystyq bolady, ońtústik-shyǵystan soǵatyn jeldiń ekpini sekýndyna 15-20 metrge deıin jetedi. Oblystyń batysynda jáne ortalyǵynda tótenshe órt qaýpi saqtalady.