Qazaqstannyń birqatar óńirinde +42 gradýsqa deıin ystyq: daýyldy eskertý jarıalandy

Qazaqstannyń birqatar óńirinde 10 tamyzǵa daýyldy eskertý jarıalandy. Bul týraly infohub.kz saıty habarlaıdy.

Sınoptıkterdiń boljamynsha, Astanada kúndiz aýa temperatýrasy 35 gradýsqa deıin kóteriledi. Aqtóbe oblysynyń batysy men soltústiginde jańbyr jaýyp, naızaǵaı oınaıdy. Jel ońtústik-batystan soltústik-batysqa aýysady, kúndiz oblystyń soltústiginde jáne ortalyǵynda ekpini sekýndyna 15-18 metrge jetedi. Aýa temperatýrasy 35-38 gradýsqa, al oblystyń soltústiginde 42 gradýsqa deıin kóteriledi. Órt qaýpi joǵary jáne tótenshe deńgeıde saqtalady.

Ulytaý oblysynda da 35-38 gradýsqa deıin qatty ystyq bolady, órt qaýpi tótenshe. Qaraǵandy oblysynda jel soltústik-shyǵystan, shyǵystan soǵady, kúndiz shyǵysta jáne ońtústikte ekpini sekýndyna 15-18 metr, aýa temperatýrasy 35-38 gradýs, shyǵysta jáne ońtústikte órt qaýpi tótenshe.

Jetisý oblysynyń taýly aýdandarynda jańbyr, naızaǵaı oınaýy múmkin. Jel soltústik-shyǵystan, Alakól kólderi mańynda ekpini sekýndyna 15-20, keıde 23-28 metrge jetedi. Kúndiz 35-37 gradýsqa deıin ystyq, órt qaýpi joǵary jáne tótenshe.

Almaty oblysynyń ońtústiginde jáne taýly aýdandarynda qysqa merzimdi jańbyr, naızaǵaı, keshke qaraı qatty jańbyr, burshaq, daýyl kútiledi. Kúndiz aýa temperatýrasy 35-38 gradýs, batysta jáne soltústikte órt qaýpi tótenshe. Almaty qalasynda qatty ystyq — 35 gradýs.

Mańǵystaý oblysynda jel soltústik-shyǵystan, soltústikten kúsheıedi, kúndiz batysta, ońtústikte jáne ortalyqta ekpini sekýndyna 15-20 metr. Batysta órt qaýpi joǵary, soltústik-shyǵysta jáne ortalyqta tótenshe.

Batys Qazaqstan oblysynyń batysynda, soltústiginde jáne shyǵysynda jańbyr, naızaǵaı, kúndiz burshaq jáne daýyl kútiledi. Jel soltústikten, soltústik-shyǵystan soǵady, ekpini sekýndyna 15-20 metr. Oblys boıynsha órt qaýpi tótenshe.

Túrkistan oblysynyń taýly aýdandarynda qysqa merzimdi jańbyr, naızaǵaı, jel soltústik-shyǵystan sekýndyna 15-20 metr, kúndiz aýa temperatýrasy 40-41 gradýsqa deıin kóteriledi. Órt qaýpi tótenshe deńgeıde saqtalady.

Atyraý oblysynyń batysynda, soltústiginde jáne shyǵysynda jańbyr, naızaǵaı, burshaq, daýyl bolady. Jel batystan, soltústik-batystan soǵady, ekpini sekýndyna 15-20 metr, aýa temperatýrasy 36-39 gradýs, órt qaýpi tótenshe.

Aqmola oblysynda jel kúsheıedi, kúndiz batysta jáne soltústikte ekpini sekýndyna 15-20 metr, aýa temperatýrasy 35-38 gradýs, batysta órt qaýpi tótenshe.

Qyzylorda oblysynda qatty ystyq — 40-43 gradýs, órt qaýpi tótenshe. Qostanaı oblysynyń batysynda jáne soltústiginde jańbyr, naızaǵaı, burshaq, daýyl, jel ońtústik-shyǵystan, ekpini sekýndyna 15-20 metr, aýa temperatýrasy 35-37 gradýs, órt qaýpi joǵary jáne tótenshe.

Jambyl oblysynyń taýly aýdandarynda jańbyr, naızaǵaı, jel soltústik-shyǵystan sekýndyna 15-20 metr, aýa temperatýrasy 38-40 gradýs, órt qaýpi tótenshe.

Soltústik Qazaqstan oblysynyń batysynda jáne soltústiginde jańbyr, naızaǵaı, burshaq, daýyl, túnde jáne tańerteń tuman, kúndiz shańdy daýyl bolady. Jel ońtústik-batystan, ekpini sekýndyna 15-20 metr, aýa temperatýrasy 35-37 gradýs, órt qaýpi joǵary.

Pavlodar oblysynda túnde jáne tańerteń tuman, kúndiz aýa temperatýrasy 35-38 gradýs, órt qaýpi joǵary. Abaı oblysynda jel soltústikten, soltústik-shyǵystan, ekpini sekýndyna 15-20 metr, aýa temperatýrasy 35-38 gradýs, órt qaýpi joǵary jáne tótenshe.

Shyǵys Qazaqstan oblysynda jel soltústikten, soltústik-shyǵystan, kúndiz soltústikte ekpini sekýndyna 15-20 metr, ońtústikte aýa temperatýrasy 35 gradýsqa deıin, órt qaýpi joǵary jáne tótenshe.