Dúısenbi, 7 qyrkúıekte sınoptıkter Qazaqstanda daýyldy eskertý jarıalady: birqatar oblysta joǵary jáne tótenshe órt qaýpi kútilýde, dep habarlaıdy infohub.kz saıty.
«Qazgıdromet» RMK málimetinshe, Aqmola oblysynyń batysynda, soltústiginde jáne ońtústiginde joǵary órt qaýpi saqtalady. Almaty oblysynyń ortalyǵynda, batysynda jáne shyǵysynda — tótenshe, soltústiginde — joǵary. Túrkistan oblysynyń ońtústiginde jáne taýly aýdandarynda qysqa merzimdi jańbyr men naızaǵaı boljanady.
Ulytaý oblysynda shyǵys, ońtústik-shyǵys jeli kútiledi, kúndiz batysta, soltústikte jáne ońtústikte ekpini 15–20 m/s. Tótenshe órt qaýpi saqtalady. Qaraǵandy oblysynda jel soltústik-shyǵystan ońtústik-shyǵysqa aýysady, kúndiz shyǵysta jáne ońtústikte ekpini 15–20 m/s. Oblystyń soltústiginde jáne ortalyǵynda joǵary órt qaýpi saqtalady.
Mańǵystaý oblysynyń batysynda, ońtústiginde jáne ortalyǵynda kúndiz jańbyr men naızaǵaı, batysynda qatty jańbyr, burshaq jáne daýyl boljanady. Túnde jáne tańerteń oblystyń batysynda tuman túsedi. Jel ońtústik-shyǵystan soltústik-batysqa aýysady, kúndiz batysta, ońtústikte jáne ortalyqta 15–20 m/s, ekpini 23 m/s. Oblys boıynsha tótenshe órt qaýpi saqtalady.
7 qyrkúıekte Jetisý oblysynyń Alakól kólderi aýdanynda kúndiz soltústik-shyǵys jeliniń ekpini 15–20 m/s bolady. 9 qyrkúıekke deıin oblystyń soltústiginde joǵary órt qaýpi, ońtústiginde jáne shyǵysynda tótenshe órt qaýpi saqtalady.
Atyraý oblysynyń batysynda túnde jańbyr men naızaǵaı, kúndiz batysta, soltústikte jáne ońtústikte jańbyr, naızaǵaı, burshaq jáne daýyl boljanady. Jel ońtústik-batystan soltústik-batysqa aýysady, kúndiz batysta, soltústikte jáne ońtústikte ekpini 15–20 m/s. Oblys boıynsha tótenshe órt qaýpi saqtalady.
Pavlodar oblysynyń soltústiginde joǵary órt qaýpi saqtalyp, ońtústiginde kútilýde. Aqtóbe oblysynda jel ońtústik, ońtústik-shyǵys, kúndiz batysta, soltústikte jáne shyǵysta ekpini 15–20 m/s. Kúndiz 35 gradýsqa deıin qatty ystyq bolady. Oblystyń soltústik-shyǵysynda jáne soltústik-batysynda joǵary órt qaýpi, oblys boıynsha tótenshe órt qaýpi saqtalady.
Batys Qazaqstan oblysynyń batysynda jáne soltústiginde túnde jańbyr, keıde qatty, naızaǵaı, kúndiz jańbyr men naızaǵaı, batysta jáne soltústikte qatty jańbyr, burshaq jáne daýyl boljanady. Jel ońtústik-batystan soltústik-batysqa aýysady, batysta, soltústikte jáne shyǵysta ekpini 15–20 m/s. Tótenshe órt qaýpi saqtalady, soltústikte jáne ońtústik-shyǵysta — joǵary.
Jambyl oblysynyń ońtústik-batysynda, soltústik-shyǵysynda jáne taýly aýdandarynda soltústik-shyǵys jeliniń ekpini 15–20 m/s bolady. Tótenshe órt qaýpi saqtalady. Abaı oblysynyń soltústik-batysynda jáne ońtústiginde joǵary órt qaýpi boljanady.
Qostanaı oblysynda kúndiz jel ońtústik-batys, batysta jáne soltústikte 15–20 m/s. Oblystyń soltústik-batysynda joǵary órt qaýpi, ońtústiginde, ońtústik-shyǵysynda jáne ortalyǵynda tótenshe órt qaýpi saqtalady. Qyzylorda oblysynyń ortalyǵynda jáne soltústiginde kúndiz shańdy daýyl bolady. Jel soltústik-shyǵys, shyǵys, kúndiz ortalyqta jáne soltústikte 15–20 m/s. Oblys boıynsha tótenshe órt qaýpi saqtalady.
Shyǵys Qazaqstan oblysynyń ońtústik-shyǵysynda joǵary órt qaýpi kútiledi. Soltústik Qazaqstan oblysynda jel ońtústik-batys, kúndiz batysta ekpini 15–20 m/s. Oblystyń ońtústiginde jáne shyǵysynda joǵary órt qaýpi saqtalady.