Sınoptıkter Qazaqstannyń birqatar oblysynda aıaz, tuman jáne jaýyn-shashynǵa baılanysty daýyldy eskertý jarıalady, dep habarlaıdy infohub.kz saıty.
«Qazgıdromet» RMK málimetinshe, 3 qyrkúıekte Qyzylorda oblysynyń ońtústigi men ortalyǵynda shańdy daýyl kútiledi. Jel soltústik-shyǵystan soǵady, kúndiz ekpini sekýndyna 15-20 metrge jetedi. Aımaqta órt qaýpi tótenshe deńgeıde saqtalady.
Abaı oblysynda túnde jáne tańerteń soltústik pen ortalyqta tuman kútiledi. Jel ońtústik-shyǵystan soltústik-shyǵysqa aýysady, tańerteń jáne kúndiz oblystyń ońtústik-batysynda ekpini sekýndyna 15-20 metrge jetedi. Túnde batys pen shyǵysta aıaz 3 gradýsqa deıin boljanýda.
Shyǵys Qazaqstan oblysynda tuman kútiledi, al túnde soltústikte, shyǵysta jáne taýly aýdandarda aıaz 5 gradýsqa deıin jetedi.
Soltústik Qazaqstan oblysynda túnde batys pen ońtústikte jańbyr jaýyp, naızaǵaı oınaýy múmkin. Túnde jáne tańerteń batysta tuman bolady. Jel ońtústik-batystan soǵady, batys pen ońtústikte ekpini sekýndyna 15-20 metrge jetedi. Soltústik pen shyǵysta túnde jer betinde aıaz 2 gradýsqa deıin boljanýda.
Pavlodar oblysynda túnde jáne tańerteń ońtústikte, shyǵysta jáne ortalyqta tuman, túnde ońtústikte aıaz 1 gradýsqa deıin boljanady.
Qostanaı oblysynda erteń batysta, shyǵysta jáne ońtústikte jańbyr jaýady, kúndiz naızaǵaı men burshaq túsýi múmkin. Túnde jáne tańerteń batys pen soltústikte tuman bolady. Soltústik-batysta órt qaýpi joǵary, al ońtústikte, ońtústik-shyǵysta jáne ortalyqta tótenshe deńgeıde saqtalady.
Aqtóbe oblysynda soltústik-shyǵysta órt qaýpi joǵary, oblys boıynsha tótenshe deńgeıde saqtalady. Mańǵystaý oblysynda 3 qyrkúıekte batys pen soltústikte tótenshe, ortalyqta joǵary órt qaýpi saqtalady.
Batys Qazaqstan oblysynda tótenshe órt qaýpi, soltústik-batysta joǵary deńgeı saqtalady.
Almaty oblysynda kúndiz ońtústikte jańbyr men naızaǵaı, taýly aýdandarda qysqa merzimdi jańbyr jáne naızaǵaı kútiledi. Túnde jáne tańerteń taýda tuman bolady. Jel soltústik-shyǵystan ońtústik-batysqa aýysady, kúndiz taýly aýdandarda ekpini sekýndyna 15-20 metrge jetedi. Ortalyqta, batysta jáne shyǵysta tótenshe órt qaýpi saqtalady.
Atyraý oblysynda erteń de tótenshe órt qaýpi saqtalady.
Aqmola oblysynda batysta, ońtústikte jáne ortalyqta naızaǵaımen jańbyr kútiledi. Túnde jáne tańerteń batysta, soltústikte jáne shyǵysta tuman bolady. Túnde shyǵysta jer betinde aıaz 2 gradýsqa deıin boljanýda.
Jetisý oblysynyń taýly aýdandarynda jańbyr men naızaǵaı, túnde jáne tańerteń tuman kútiledi. Jel soltústik-shyǵystan soǵady, shyǵysta jáne taýda ekpini sekýndyna 15-20 metrge, Alakól kólderi aýdanynda keıde sekýndyna 23-28 metrge jetedi. Oblystyń soltústiginde órt qaýpi joǵary, ońtústik pen shyǵysta tótenshe deńgeıde saqtalady.
Qaraǵandy oblysynda túnde jáne tańerteń batys pen soltústikte tuman bolady. Jel soltústik-shyǵystan soǵady, ońtústik-shyǵysta ekpini sekýndyna 15 metrge deıin jetedi. Túnde shyǵysta aıaz 2 gradýsqa deıin boljanýda. Ortalyqta joǵary órt qaýpi saqtalady.
Ulytaý oblysynda tótenshe órt qaýpi saqtalady.