Astanada Reseıden fıtosanıtarlyq talaptardy buzyp ákelingen dekoratıvti ósimdikter partıasy anyqtalyp, joıyldy, dep habarlaıdy infohub.kz.
Aýyl sharýashylyǵy mınıstrliginiń habarlaýynsha, dekoratıvti ósimdikterge eksporttaýshy eldiń karantın jáne ósimdik qorǵaý jónindegi ulttyq uıymy beretin mindetti fıtosanıtarlyq sertıfıkat bolmaǵan. Osy fakti boıynsha zańdy tulǵaǵa qatysty ósimdikter karantıni salasyndaǵy zańnamany buzǵany úshin ákimshilik is qozǵaldy.
«Fıtosanıtarlyq qaýipsizdik talaptaryna sáıkes júk ıesine anyqtalǵan buzýshylyqty joıý týraly nusqama berildi. Menshik ıesi ustalǵan ónimdi órteý arqyly joıý týraly sheshim qabyldady», — dep atap ótti vedomstvoda. Aýyl sharýashylyǵy mınıstrligi belgilengen talaptardyń saqtalýy aýyl sharýashylyǵy men qorshaǵan ortaǵa zıan keltirýi múmkin qaýipti karantındik nysandardyń ákelinýi men taralýynyń aldyn alýǵa baǵyttalǵanyn eskertti.