Jambyl oblystyq soty «Evrazıa» burynǵy kınoteatry ǵımaratyn bólshekteý sharty boıynsha qaryz jáne turaqsyzdyq aıybyn óndirý týraly is boıynsha apelásıany qarady. Nátıjesinde sot alqasy birinshi satydaǵy sottyń sheshimin ózgertip, jaýapkershilik tek azamat E.-ge júkteldi, dep habarlaıdy infohub.kz.
İs materıaldaryna sáıkes, taraptar arasynda ǵımaratty bólshekteýge 40 mln teńge turatyn shart jasalǵan. Keıin E. kelisilgen somadan tys 10,4 mln teńge alǵanyn rastap, aqshany belgilengen merzimde qaıtarýǵa mindettenip, óz qolymen qolhat jazǵan.
Alaıda mindetteme oryndalmady. Osydan keıin E. qolhatty aldaý arqyly jazǵanyn aıtyp, ony jaramsyz dep tanýdy talap etip, qarsy talap-aryz berdi. Sot qolhattyń erikti túrde jasalǵanyn, al aldaý nemese májbúrleý dáleldenbegenin anyqtady.
Bastapqyda Jambyl aýdandyq soty talap-aryzdy tolyǵymen qanaǵattandyryp, qaryz somasy men turaqsyzdyq aıybyn eki jaýapkerden de óndirip, qarsy talap-aryzdy qabyldamady. Jaýapkerler bul sheshimge shaǵymdanyp, apelásıada azamattyq ister jónindegi sot alqasy JK «B»-ǵa qoıylǵan talaptardy qanaǵattandyrýdan bas tartty. Qalǵan bóliginde sheshim ózgerissiz qaldyryldy: azamat E.-den 10,4 mln teńge qaryz jáne memlekettik baj óndirildi. Qarsy talap-aryz túpkilikti qabyldanbady.
Sot aktileri zańdy kúshine endi.