2026 jyldyń birinshi jartyjyldyǵynda qazaqstandyqtardyń depozıtteriniń jalpy kólemi 6,7%-ǵa ósip, 30 trln teńgeden asty. Al teńgelik salymdar 9,5%-ǵa ósse, valútalyq salymdar 3,4%-ǵa azaıdy, dep habarlaıdy infohub.kz saıty.
Jaqynda qazaqstandyq bankterdegi jeke tulǵalardyń depozıtteri tarıhı rekord jańartyp, 30 trln teńgeden asty. 2026 jyldyń alty aıynda olar 6,7%-ǵa, al bir jyl ishinde 18,3%-ǵa ósti.
Qazaqstandyq depozıtterge kepildik berý qorynyń (QDKQ) málimetinshe, 2026 jyldyń birinshi jartyjyldyǵynda mynadaı úrdis baıqaldy: teńgedegi depozıtter 9,5%-ǵa ósip, 24,1 trln teńgeni qurady; shetel valútasyndaǵy depozıtter 3,4%-ǵa tómendep, 6 trln teńgeden az boldy.
Teńgedegi salymdardyń ishinde tolyqtyrý múmkindigi bar merzimdi jáne jınaq depozıtteri eń jyldam ósti – tıisinshe 167% jáne 159%. Turǵyn úı jáne bilim berý salymdary 12%-ǵa, al tolyqtyrýsyz merzimdi salymdar 6%-ǵa ósti. Al tolyqtyrýsyz jınaq salymdary men merzimsiz depozıtter azaıdy.
Sonymen qatar, QDKQ bank jabylǵan jaǵdaıda salymshylarǵa kepildik ótemaqy tóleýge arnalǵan arnaıy rezervin ulǵaıtty. Alty aı ishinde ol 10%-ǵa ósip, qazir 1,73 trln teńgeni quraıdy, ıaǵnı kepildik berilgen depozıtter kóleminiń 5,8%-y.
Arnaıy rezervke qarajat bankterdiń jarnalarynan (37%) jáne ınvestısıalyq kiristen (62%) túsedi. Qarajat joǵary ótimdi jáne senimdi aktıvterge, onyń ishinde Qazaqstannyń memlekettik baǵaly qaǵazdary men AQSh Qazynashylyǵynyń oblıgasıalaryna ornalastyrylady.
Bul qarajat bank lısenzıasynan aıyrylǵan nemese jumysyn toqtatqan jaǵdaıda salymshylarǵa kepildik ótemaqy tóleýge jumsalady. Eske salaıyq, tólemderdiń eń joǵary mólsheri bar: teńgedegi merzimsiz jáne merzimdi salymdar, sondaı-aq aǵymdaǵy shottar boıynsha – 10 mln teńge; jınaq depozıtteri boıynsha – 20 mln teńge; valútalyq shottar boıynsha – teńgege shaqqanda 5 mln.
Eger bank jabylsa, salymshyǵa lımıtter sheginde aqsha qaıtarylady. Eger onyń ártúrli valútadaǵy birneshe shoty bolsa, onda jalpy soma qaıtarylady, biraq depozıttiń ár túri boıynsha lımıt eskeriledi.