Qazaqstandyqtardyń jalpy depozıt kólemi 30 trln teńgeden asyp, ósip keledi. Bul rette shetel valútasyndaǵy jınaqtardyń úlesi azaıdy. El turǵyndary qansha qarjy jınaǵanyn NUR.KZ materıalynan oqyńyz... dep habarlaıdy infohub.kz saıty.
Maýsym aıynda Qazaqstan halqynyń banktik salymdary alǵash ret 30 trln teńgeden asty. Shildede bul soma óse tústi. Ulttyq banktiń derekterine sáıkes, qazir ol 30,4 trln teńgeni quraıdy. Bir aıda ósim – 1,3%.
Sonymen qatar, qazaqstandyqtar teńgemen 24,5 trln saqtaıdy (+2%), al shetel valútasynda – teńgege shaqqanda 5,9 trln. "Dollarlyq" úles maýsymmen salystyrǵanda 1,7%-ǵa tómendedi.
Jınaqtardyń basym bóligi merzimdi jáne merzimsiz salymdarda saqtalady: ulttyq valútada 19,4 trln teńge, al shetel valútasynda 4,7 trln teńge. Jınaq shottarynda – tıisinshe 2,6 trln jáne 27,4 mlrd teńge.
Bankterdiń jeke tulǵalardyń teńgedegi depozıtteri boıynsha syıaqy mólsherlemelerine kelsek, Ulttyq bank málimetinshe, bir aıda eshqandaı ózgeris bolǵan joq – ortasha naryqtyq syıaqy paıyzy áli de 14,7% quraıdy. Shetel valútasynda – 0,9%.
Buǵan deıin qazaqstandyqtardyń barlyq depozıtteriniń jartysyna jýyǵy qaldyǵy 15 mln teńgege deıingi shottarǵa tıesili ekenin jazǵanbyz.