Qazaqstanda mıy ólgeni rastalǵan jaǵdaıda ǵana kámeletke tolǵan azamattar organ donory bola alady. Bul týraly Ortalyq komýnıkasıalar qyzmetindegi (OKQ) brıfıńte Densaýlyq saqtaý mınıstrliginiń ókili málimdedi, dep habarlaıdy infohub.kz.
Elimizde qaıtys bolǵannan keıingi donorlar tek 18 jastan asqan adamdar bola alady, balalar donorlyǵy júrgizilmeıdi. Densaýlyq saqtaý mınıstrliginiń Transplantasıany úılestirý jáne joǵary tehnologıalyq medısınalyq qyzmetter respýblıkalyq ortalyǵynyń dırektory Aıdar Sıtkazınovtyń aıtýynsha, qazir kútý paraǵynda 4739 pasıent bar, onyń 125-i — balalar.
«Bizde balalardan aǵza alý joq, donorlar tek 18 jastan asqan adamdar bola alady jáne bir ǵana dıagnoz — «Mı ólimi» degen dıagnoz qatar júredi. Basqa dıagnozdar boıynsha qaıtys bolǵannan keıingi donorlyq qarastyrylmaıdy», — dedi Aıdar Sıtkazınov.
Onyń aıtýynsha, eń kóp pasıent búırek transplantasıasyna muqtaj — mundaı otany 4208 adam kútip otyr. Sonymen qatar, baýyr aýystyrýdy 293 pasıent, júrekti 208, ókpeni 30, al «júrek-ókpe» keshenin 5 pasıent kútýde.
Spıker qaıtys bolǵannan keıingi donorlyqqa kelisim nemese bas tartýdy resimdeýge qazaqstandyqtar eGov portaly arqyly múmkindigi bar ekenin eske saldy. Qazirgi ýaqytta bul múmkindikti 172 283 adam paıdalanǵan. Onyń 156 174-i bas tartqan, al 16 109-y qaıtys bolǵannan keıingi donorlyqqa kelisim bergen. Sonymen qatar, medısınalyq uıymdar qaıtys bolǵan adamnyń týystarynan da kelisim suraıdy. Eger otbasy qarsy bolsa, aǵzalardy alý júrgizilmeıdi.
Aıdar Sıtkazınov tiri kezindegi kelisim bolsa da, dárigerler qaıtys bolǵan adamnyń týystaryna júginetinin atap ótti. Eger otbasy qarsy bolsa, aǵzalardy alý júrgizilmeıdi.