Marvel fılmderindegi Draks rólimen tanymal Deıv Batısta God of War kúlttik vıdeoıynynyń ekranızasıasynda Kratos beınesin somdaýy múmkin. Akter qazirdiń ózinde Amazon kompanıasymen kelissózder júrgizip jatyr, dep habarlaıdy infohub.kz saıty.
Bastapqyda spartalyq jaýyngerdiń róli «Anarhıa uldary» serıalynyń juldyzy Raıan Herstke tıesili bolýy kerek edi. Alaıda akter basqa jobanyń túsiriliminde aýyr jaraqat aldy, onyń qalpyna kelýi keminde eki jylǵa — 2027 jylǵa deıin sozylady.
Osyǵan baılanysty Amazon jáne Sony óndiristi keıinge qaldyrmaýǵa sheshim qabyldap, orynbasar izdeı bastady. Variety málimetinshe, túsirilimdi osy kúzde bastaý josparlanýda.
Batısta rólge basty úmitkerlerdiń biri bolyp sanalady. Óziniń fızıkalyq daıyndyǵynyń arqasynda ol qosymsha daıyndyqsyz-aq túsirilimge kirise alady.
Marvel-den bólek, akter «Begýshı po lezvıý 2049», «Dúna» (eki bóligi de), «Stýk v hıjıne» jáne basqa da jobalarda túsken.
God of War serıaly Sony-diń eń tanymal oıyn franshızalarynyń biriniń ekranızasıasy bolady. Sújet 2018 jylǵy oıynnyń qaıta júktelýine negizdeledi dep kútilýde, onda Kratos uly Atreımen birge skandınavıalyq mıfologıa álemine qaýipti saparǵa attanady.
Buǵan deıin Kursiv LifeStyle amerıkandyq akter Stıv Býshemıdiń «Fargo» jáne «Klan Soprano» serıaldarymen tanymal, FX jáne Ubisoft kompanıalary jasaıtyn Far Cry serıalynda ról alǵanyn habarlaǵan bolatyn.