Qazaqstandyq ánshi Dımash Qudaıbergenniń qaryndasy Raýshan aǵasy uıymdastyrǵan chellendjge qatysyp, onyń jańa «Akerke» ánine Fransıadaǵy Mon-Sen-Mıshel aralynda bıledi, dep habarlaıdy infohub.kz.
Kásipker Qudaıbergen uıymdastyrǵan baıqaýdy qoldady. Shart boıynsha «Akerke» ánine bıleıtin beınerolık túsirip, áleýmettik jelige jarıalaý kerek. Eń kóp qaralym jınaǵan jeńimpaz ánshiniń kelesi beınebaıanyna túsý múmkindigine ıe bolady.
«Men baıqaýǵa qatyspaımyn, bıshi emespin, biraq aǵama qoldaý kórsetý — meniń paryzym. Ýaqyt az qaldy, chellendjge úlgerińizder», — dep jazdy Raýshan beınerolıktiń sıpattamasynda. Ol túsirilim 40 gradýs ystyqta ótkenin aıtyp, jazylýshylardan bı sheberligin qatań baǵalamaýdy ótindi. Beınerolık Mon-Sen-Mıshel aralyndaǵy ortaǵasyrlyq monastyr fonynda túsirilgen.
Beınerolık 43 myńnan astam laık jınady. Paıdalanýshylar túsiniktemelerde Raýshandy maqtap, ony jeńimpaz dep ataıdy. «Dımashtykindeı chellendj shyqty, jaraısyń, Raýshan», «Aǵasynyń otbasy árqashan qoldaıdy. Ol muny keremet, zamanaýı jáne dástúrli etip jasady», «Tamasha! Dımashtyń jańa beınebaıanynda mindetti túrde Raýshan túsedi jáne dál osy jerde!» — dep tánti boldy jazylýshylar.
Dımashtyń ózi beınerolıkke «súıikti qaryndasym, júregim» dep pikir bildirdi.
Buǵan deıin Dımash Qudaıbergen qazaq halyq áni «Akerkeniń» óńdeýine arnalǵan jańa beınebaıanynyń kadrlaryn kórsetip, onda qaýipti trúk bolǵany habarlanǵan edi.