Qazaqstannyń halyq ártisi, álemge áıgili ánshi Dımash Qudaıbergen aýqymdy respýblıkalyq «Oqyrman ult» marafonyna qatysty. Bul týraly infohub.kz saıty habarlaıdy.
Ánshi óz sheshimin Instagram paraqshasynda jarıalady. Ol Prezıdenttiń bastamasymen, Mádenıet jáne aqparat mınıstrliginiń qoldaýymen bastalǵan marafonǵa arnaıy konkýrstan tys Parasat sanaty boıynsha qatysady.
Jaqynda Dımash belgili qazaqstandyq sýretshi ári ıadrolyq qarýǵa qarsy qozǵalys belsendisi Káripbek Kúıikovtiń «Qolsyz ómir» atty avtobıografıalyq kitabyn oqydy. Ánshiniń aıtýynsha, bul — jaı ǵana ómirbaıan emes, ókinishke qaraı, qolsyz týylǵan, biraq bul jaǵdaıǵa ómiriniń shegin anyqtaýǵa jol bermegen adamnyń tarıhy.
Dımash úshin kitap avtory naǵyz sýperqaharmanǵa aınaldy. «Qaraǵandydaǵy konsert aldynda Káripbek aǵamen jeke kezdesýge múmkindik aldym. Onyń ómir joly, synaqtarǵa tózimdiligi men rýhynyń kúshi maǵan erekshe áser etti», — dedi ol.
Dımash respýblıkalyq «Oqyrman ult» marafony jańa kitaptardy oqýǵa túrtki bolyp, oqyǵandary týraly bir-birimen áser bólisýge múmkindik beretinine senim bildirdi.