«Qara, qara adam» jáne «Qudalar» fılmderinen tanymal qazaqstandyq aktrısa Dınara Baqtybaeva akterlik mamandyqtyń qıyndyqtary men olardy qalaı jeńetini týraly ashyq áńgimeledi, dep habarlaıdy infohub.kz saıty.
Ártis aıtýynsha, kastıngtegi bas tartýlar — onyń jolynyń ajyramas bóligi. Ol osyndaı jaǵdaılardy kóp bastan keshkenin jáne olarǵa sabyrly qaraýǵa tyrysatynyn moıyndady.
«Tipti daıyndyq kezinde de meni basqa aktrısamen almastyratyn. Bas tartý — árqashan renish. Árıne, ol ózin-ózi baǵalaýǵa soqqy berýi múmkin. Biraq munda bárin tym jaqyn qabyldamaý mańyzdy. Óıtkeni kastıng — bul seniń talantyńdy baǵalaý emes. Keıde sen tamasha oınaısyń, biraq rejıser basqa adamnan ózi elestetken beıneni kóredi. Keıde jas, syrtqy kelbet, boı, seriktes nemese tıpaj sáıkes kelmeıdi. Al keıde ról jaı ǵana seniki emes», — dedi ol.
Dınara basty nársege nazar aýdarýǵa tyrysady — ol bir kúni armandaǵy rólin alatynyna senimdi.
«Men mynany este saqtaýǵa tyrysamyn: bir kúni sol bir ról kelýi múmkin, sodan keıin sen: "Mine, men sol úshin meni qabyldamaǵan barlyq kastıngterden óttim" deısiń. Bas tartýlar — kásiptiń bir bóligi, ókinishke oraı. Eń bastysy — bir "joq" seniń ózińe "joq" deýińe jol bermeý», — dep bólisti aktrısa.
Jeli qoldanýshylary túsiniktemelerde ártiske qoldaý kórsetti. «Saǵan búkil álem tanıtyn sol bir róldi tileımin. Sen oǵan laıyqsyń!», «Sen óte talanttysyń, qazir bizben Atyraýda turyp jatqanyńa maqtanamyz», «Jaqsy aktrısa. Seniń róliń rejıserler men prodúserlerde áli týǵan joq, alda áli bári bar», — dep jazdy olar.
Buǵan deıin Dınara Baqtybaeva Túrkıadaǵy jaǵajaıda bıkınımen fıgýrasyn kórsetken edi.