Telejúrgizýshi Dınara Sátjan Aqtóbedegi emshi Baǵdagúlge qatysty sotqa talap aryz bergenin habarlady. Onyń aıtýynsha, bul is boıynsha alǵashqy sot otyrysy Astanada ótti, dep habarlaıdy infohub.kz saıty.
Dınara Sátjannyń sózinshe, atalǵan emshi áleýmettik jelide onyń ar-namysy men abyroıyna nuqsan keltiretin málimdemeler jasap, balaǵat sózder aıtqan. Osyǵan baılanysty ol daýdy quqyqtyq jolmen sheshýdi jón kórgen.
«Sóz bostandyǵy – Konstıtýsıamen kepildendirilgen quqyǵymyz. Biraq ol ózgeni qorlaý erkindigin bildirmeıdi. Sóz bostandyǵy – aıtylǵan sóz úshin jaýapkershilik te», – dep jazdy telejúrgizýshi.
Ol bir aı buryn Aqtóbedegi emshige qarsy sotqa talap-aryz bergenin, al búgin Astanada alǵashqy sot otyrysy ótkenin habarlady.
«Ózińdi qorǵaý – janjalqoı bolý degen sóz emes. Sondyqtan Baǵdagúl aıtqan sózderi úshin TikTok-ta emes, sot aldynda jaýap beredi», – dedi Dınara Sátjan.
Sondaı-aq ol is boıynsha óz múddesin qorǵaıtyn advokatyna alǵys aıtyp, barlyq daýlar zań aıasynda sheshilýi tıis ekenin atap ótti.