«Dintaný» – qajettilikten týyndaǵan mamandyq
Qazaqstandaǵy bilim berý salasynda táýelsizdikten keıin qarqyn alǵan úrdisterdiń biri dintaný mamandaryn daıarlaý bolyp tabylady. Elimizdegi dintaný mamandary bakalavrıat, magıstratýra jáne doktorantýra deńgeılerinde daıarlanady.

Dintanýlyq bilim tarıhy 1992 jyly alǵash ret Q. A. Iassaýı atyndaǵy Halyqaralyq qazaq - túrik ýnıversıtetinde «Din jáne erkin oılaý» mamandyǵynyń ashylýynan bastaý alady. Qazir dintaný bakalavrlaryn elimizdegi L. N Gýmılev atyndaǵy Eýrazıa Ulttyq ýnıversıtetiniń Dintaný kafedrasy, ál - Farabı atyndaǵy Qazaq Ulttyq ýnıversıtetiniń Fılosofıa ǵylymdary jáne dintaný kafedrasy, E. A. Býketov atyndaǵy Qaraǵandy memlekettik ýnıversıtetiniń Fılosofıa jáne mádenıet teorıasy kafedrasy, «Nur - Múbarak» mysyr ıslam mádenıeti ýnıversıtetiniń Dintaný kafedrasy, Q. A. Iasaýı atyndaǵy Halyqaralyq qazaq - túrik ýnıversıtetiniń Dintaný jáne teologıa kafedrasy, Shet tilder jáne iskerlik karera ýnıversıtetiniń dintaný fakúlteti daıarlaıdy.

Dintaný – adamzat tarıhynyń barlyq kezeńderin qamtıtyn jáne qoǵamnyń barlyq salalaryna úlken yqpal etetin mádenıettiń kúrdeli salalarynyń birin zertteıtin ǵylymı tanym júıesi. Ol tek bir ǵana dinmen shektelip qana qoımaı, búkil dinderdiń ilimin, dinı jazba eskertkishterin, dinı uıymdardy da jan jaqty qarastyrady. Qazirgi kezdegi qoǵamdaǵy ýshyqqan dinı ahýaldy jaqsartýda, ártúrli konfesıa ókilderine tolerantty qarym - qatynas mádenıetin qalyptastyrýda dintanýlyq bilimdi jetildirý óte mańyzdy. Dintaný ǵylymynda adamnyń dinı ómiri basty nazarǵa ıe bolǵandyqtan, bul ǵylym salasy adamdy tek rýhanı, moraldyq qundylyqtarǵa tárbıeleıdi. Dintaný páni – tarıhtyń san ǵasyrlyq murasynda jınaqtalǵan dinı tájirıbe, dinı mádenıet eskertkishteri, ıntellektýaldy jáne rýhanı muralar bolyp tabylady. Dintaný mamandyǵy kúrdeliligi jaǵynan jaratylystaný ǵylymdarynan kem túspeıtin gýmanıtarly ǵylymdardyń erekshe túri. Bul elimizdegi eń jas mamandyqtardyń biri. Din máselesi qaı kezeńde de bolmasyn ózekti taqyryptardyń biri bolyp tabylatyndyqtan, dintaný únemi suranysqa ıe mamandyqtardyń biri.

Janatov Arhat
Ál - Farabı atyndaǵy Qazaq Ulttyq Ýnıversıteti,
Fılosofıa jáne saıasattaný fakúlteti,
Dintaný mamandyǵynyń 4 kýrs stýdenti