Dintaný - zertteýshilik izdeniske negizdele damytylǵan mamandyq
Dintaný – dinderdiń paıda bolýyn, damýyn, qyzmet etý zańdylyǵyn, onyń qurylymy men túrli komponentterin, kópqyrly fenomenderin, qoǵamdaǵy ornyn, dinder men mádenıettiń salalarymen ózara baılanysy men ózara árekettestigin zertteıtin mamandyq. Dintaný mamandyǵy alǵashynda fılosofıa, tarıh jáne din ilimi yqpalymen damyǵan. Al qazirgi ýaqytta dintaný mamandyǵy zertteý taqyrybyna baılanysty túrli ǵylymı pánder kesheni retinde tanylady. Ǵylym salasymen tyǵyz baılanystyramyz. Kez kelgen ǵylym damý satysynda óz tarıhyna úńiledi. Dintaný ǵylymy mamandyǵy da bul erekshelikterden tysqary qalmaǵan. Árbir mamandyq óz tarıhynan ajyramaýy kerek, bul zertteýshilerge pikir men aqparattar almasýǵa múmkindik beredi. Dintaný mamandyǵy qazirgi kezeńdegi ózekti suraqtarǵa naqty jaýap bere alady. Dintanýdyń damýyndaǵy mańyzdy kezeń dinı júıeniń ózi bolyp sanaldy. Dintaný mamandyǵynda adamnyń dinı ómiri basty nazarǵa ıe. Ony zertteý sekýlárlyq dáýir fenomenderin (jaratylystaný ǵylymynda qarastyrylatyn qubylys nemese oqıǵa fenomen retinde túsindiriledi) qarastyrý joldaryn osy kezeńde qaıta paıymdaýdy talap etetin belgili bir qıyndyqtar týdyrady. Dintaný salasynda bolashaq eleýli serpilisterdi fenomenologıamen, germenevtıkamen, áleýmettanýmen, dinder antropologıasymen baılanystyrady. Dintaný mamandyǵy qoǵam men memlekettiń dúnıetanymdyq suranystary nátıjesinde qalyptasty.

Ózara pikirlesý jáne ǵylymı zertteý nátıjelerimen almasý alańyna aınalǵan «Dintanýshylar forýmy» negizinde júrgiziletin jumys ta mańyzdy bolyp tabylady. 2011 jyldan beri Qazaqstandaǵy dinderdi zertteý salasyndaǵy ózekti problemalarǵa ózindik yqpalyn tıgizgen osyndaı tórt forým ótkizildi. Qazirgi kezeńdegi otandyq dintanýdy zertteýdiń ereksheligi XVIII ǵasyrdan táýelsizdik alǵanǵa deıingi kezeńdegi dinı dástúrler fenomenin uǵynýmen baılanysty damýda. Dinderdi rýhanı mádenıet fenomeni retinde qarastyrý, dinı qaýymdardyń ózara tolerantty qarym - qatynastaryn jáne Qazaqstandaǵy dintanýlyq bilimdi damytý baǵyttary ǵylymı zertteý turǵysynan tanymaldyqqa ıe bolyp otyr.
Dintaný mamandyǵy, dintaný ǵylymy oı erkindigi, ǵylymı ádep jáne zertteýshilik izdeniske negizdele damytylǵany jón degen pikirdemiz.

Avtorlary: Qazaq Ulttyq Ýnıversıteti
Dintaný mamandyǵynyń 4 kýrs stýdenti Tohtarova A. T.
Qazaq Ulttyq Ýnıversıteti, Dintaný mamandyǵynyń oqytýshysy, profesor
Borbasova Q. M.

Dintaný - zertteýshilik izdeniske negizdele damytylǵan mamandyq. júkteý