Qazaqstandyq aralas jekpe-jek (MMA) faıteri Dıar Nurǵojaı UFC Fight Night týrnırinde merziminen buryn jeńiske jetip, arnaıy bonýsqa ıe boldy, dep habarlaıdy infohub.kz saıty.
29 jastaǵy sportshy Las-Vegastaǵy shoýdyń aldyn ala kardynda óner kórsetti. Ol birinshi raýnd aıaqtalýǵa bir sekýnd qalǵanda brazılıalyq Brýno Lopesti jartylaı aýyr salmaqta (93 kelige deıin) nokaýtqa jiberdi.
Merziminen buryn jeńis Nurǵojaıǵa 25 myń dollar (aǵymdaǵy baǵam boıynsha shamamen 11,5 mln teńge) kóleminde arnaıy bonýs ákeldi.
100 myń dollardan ulǵaıtylǵan syıaqylar tórt sportshyǵa buıyrdy. Brazılıalyq Karlos Dıego Ferreıra men amerıkalyq Bıllı Kýarantıllo «Keshtiń jekpe-jegi» atalymynyń laýreattary atandy. Olardyń jeńil salmaqtaǵy (70,3 kelige deıin) qarsy turýy úsh raýndqa sozyldy. Ferreıra biraýyzdan qazylar sheshimimen jeńiske jetti.
Avstralıalyq Kýıllan Salkılld pen amerıkalyq Taı Mıller «Keshtiń úzdik óneri» úshin bonýs aldy. Olar sáıkesinshe polák Mateýsh Gamrot pen taǵy bir amerıkalyq Bıllı Reı Goffty merziminen buryn tize búktirdi.