Qazaqstandyq aralas jekpe-jek sheberi Dıar Nurǵojaı Las-Vegastaǵy UFC týrnıri aldynda ólsheý rásiminen sátti ótti, dep habarlaıdy infohub.kz.
29 jastaǵy sportshy Fight Night shoýynyń aldyn ala kardynda óner kórsetedi. Onyń qarsylasy brazılıalyq Brýno Lopes bolady. Resmı ólsheýde eki faıter de jartylaı aýyr salmaq lımıtine (93 kelige deıin) syıdy. Nurǵojaı 205 fýnt (93 kg), al Lopes 204,5 fýnt (92,8 kg) kórsetti.
Qazaqstandyq pen brazılıalyq arasyndaǵy jekpe-jek 9 tamyzda Astana ýaqytymen shamamen 04:30-da bastalady. Nurǵojaı úshin bul UFC-degi tórtinshi jekpe-jek bolady. Ol lıgadaǵy ónerin eki jeńilispen bastady, biraq sońǵy jekpe-jeginde brazılıalyq Rafael Tobıasty biraýyzdan sheshimmen jeńdi.
Kásibı MMA-da qazaqstandyq sportshy eki jeńilis kezinde 11 jeńiske jetti. 33 jastaǵy Lopestiń enshisinde 14 jeńis jáne úsh jeńilis bar.
Las-Vegastaǵy týrnırdiń basty oqıǵasy polák Mateýsh Gamrot pen aýstralıalyq Kýıllan Salkılld arasyndaǵy jeńil salmaqtaǵy (70,3 kelige deıin) jekpe-jek bolady. Olar dıvızıonda tıisinshe segizinshi jáne on ekinshi oryndardy ıelenedi.