Ataqty fýtbolshy Krıshtıaný Ronaldýdyń qalyńdyǵy, ıspandyq model Djordjına Rodrıges áleýmettik jelilerde óz boıyna baılanysty synǵa ushyrady. Ol qorlaıtyn pikirlerge jaýap retinde Instagram-da demalys kezinde túsirilgen bıkınıdegi fotosýretterin jarıalap, qoǵamnyń qysymy týraly ashyq aıtty, dep habarlaıdy infohub.kz.
Djordjına óz jazbasynda: «Meniń denem árbir áıeldiń denesi sıaqty ózgeredi. Onyń áli de uzaq jyldar boıy ózgere beretinine úmittenemin, óıtkeni bul meniń ómir súrýdi jalǵastyryp jatqanymdy bildiredi», — dep jazdy.
Model sondaı-aq qobaljýlaryn súıiktisimen bóliskenin aıtty. Onyń aıtýynsha, sońǵy kúnderi onyń qaıyqtaǵy fotosýretteriniń astynda kóptegen pikirler paıda boldy: keıbireýler onyń syrtqy kelbetin talqylasa, basqalary qorǵaýǵa shyqty. Djordjına Krıshtıanýǵa: «Meni qazir semiz dep aıtýy mazalaıdy, óıtkeni meniń jumysym syrtqy kelbetime baılanysty», — degenin moıyndady. Fýtbolshy oǵan: «Sen syrtqy kelbetińniń arqasynda ómir súrmeısiń. Sen ózińniń kim ekenińniń arqasynda ómir súresiń. Sen — ádemi áıelsiń, keremet boıyń bar, anasyń, jaqsy adamsyń, tabystysyń jáne mahabbatpen ómir súresiń. Taǵy ne qajet? Adamdardyń seni qyzǵanýy tabıǵı nárse», — dep jaýap berdi.
Djordjına jyl saıyn jazda onyń denesi jelide talqy taqyrybyna aınalatynyn atap ótti. «Sonda men ózime suraq qoıamyn... Bul standart qaıda? Qandaı dene "durys" dep sanalatynyn kim sheshedi? Biz áli kúnge deıin baqyt kıim ólshemimen anyqtalady dep oılaımyz ba?» — dep ashýlandy ol.
Model ózin ózi súıetinin málimdedi. «Men óz boıymdy jaqsy kóremin. Ózim tańdaǵan denemde ómir súrý erkindigin jaqsy kóremin. Meni qoldaıtyn, qushaqtaýǵa, ómir syılaýǵa, qulap, qaıta turýǵa múmkindik bergen denemdi jaqsy kóremin. Bul dene barlyq kórinisinde qurmetke, mahabbatqa jáne alǵysqa laıyq. Men úshin naǵyz tabys eshqashan kimniń oılap tapqany belgisiz standartqa saı bolý emes. Naǵyz tabys — ózińmen úılesimdi ómir súrý. Men jaqsy kóretin adamdarymmen birge bolý. Otbasymmen jáne dostarymmen birge ýaqyt ótkizý. Densaýlyǵyma qamqorlyq jasaý. Kúlý. Úırený. Ómir súrý», — dedi ol.