Memleket basshysynyń jarlyǵymen Dmıtrı Malahov Qazaqstan Respýblıkasy Joǵary sot keńesiniń tóraǵasy laýazymyn saqtap qaldy, dep habarlaıdy infohub.kz saıty.
Joǵary sot keńesiniń resmı saıtynda atap ótilgendeı, Dmıtrı Mıhaılovıch Malahov bul qyzmetti 2024 jyldan beri atqaryp keledi, endi onyń ókilettigi uzartyldy.
Dmıtrı Malahov 1974 jyly 27 tamyzda Aqmola oblysynyń Kókshetaý qalasynda dúnıege kelgen. 1995 jyly QR İİM Almaty joǵary mektebin, al 2025 jyly Rysqulov atyndaǵy ekonomıka jáne qarjy ýnıversıtetin «zańger-quqyqtanýshy, ekonomıs» mamandyǵy boıynsha bitirgen.
2004–2019 jyldary ol İİM óńirlik departamentteri men ortalyq apparat departamentteri basshysynyń orynbasary, ekonomıkalyq jáne sybaılas jemqorlyq qylmystarǵa qarsy kúres agenttiginiń, QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Sybaılas jemqorlyqqa qarsy ulttyq búrosynyń qyzmetterin atqardy.
2019–2020 jyldary Qarjy mınıstrligi Qarjy monıtorıńi komıtetiniń jedel departamentiniń basshysy boldy. 2020–2022 jyldary QR Sybaılas jemqorlyqqa qarsy is-qımyl agenttigi tóraǵasynyń orynbasary, al 2022–2023 jyldary osy vedomstvo tóraǵasynyń birinshi orynbasary qyzmetin atqardy. 2023–2024 jyldary QR Qarjy monıtorıńi agenttigi tóraǵasynyń orynbasary, al 2024 jyly QR Qarjy monıtorıńi agenttiginiń tóraǵasy bolyp taǵaıyndaldy.