Qazaqstan qor bırjasyndaǵy (KASE) saýda qorytyndysy boıynsha dollar baǵamy 465,75 teńgeni qurady, bul aldyńǵy kúnnen bir teńgege tómen. Osylaısha, ulttyq valúta nyǵaıýyn jalǵastyrýda, tamyz aıynyń basynan beri teńge dollarǵa shamamen 9 teńgege qymbattady, dep habarlaıdy infohub.kz saıty.
Kúndik tómendeý 0,15% qurady. Saýda kólemi 363 mıllıon dollarǵa jetti, al eń tómengi baǵa 464,5 teńge deńgeıinde tirkeldi. Ortasha ólshengen baǵam 465,82 teńge boldy. Aıyrbas pýnktterinde dollar 467,5 teńgeden satylýda.
Qarjygerler qaýymdastyǵynyń sarapshylary tańǵy sholýda teńge úshin syrtqy ahýal negizinen oń bolǵanyn, atap aıtqanda munaı baǵasynyń ósýine baılanysty ekenin atap ótti. İshki faktorlardyń ishinde iri eksporttaýshylardyń toqsandyq salyq kezeńine daıyndyǵy, sondaı-aq Ulttyq bank operasıalary aıasynda shetel valútasynyń turaqty usynysy erekshelenedi.
Freedom Broker sarapshylary dollar 9 jáne 23 shildede tirkelgen mınımýmdardan tómen túsýge tyrysyp jatqanyn aıtady. Mundaı serpilis teńgeniń pozısıasyn kúsheıtip, dollardyń ulttyq valútaǵa qatysty álsizdigin kórsete alady.
Buǵan deıin Ulttyq ekonomıkalyq zertteýler búrosy tamyz aıyndaǵy baǵam boıynsha boljamyn 484,7-den 470,5 teńgege deıin jaqsartqany habarlanǵan bolatyn.