Qazaqstan qor bırjasynda (KASE) dollar kýrsy apta sońynda 2 teńgeden astamǵa tómendep, 469,83 teńgege deıin tústi. Eýro da sondaı mólsherde arzandady, dep habarlaıdy infohub.kz saıty.
Apta basynda bırjalyq amerıkan valútasynyń kýrsy 477,11 teńgege deıin ósti, biraq kelesi kúni 468,88 teńgege deıin tómendedi. Keshe 3 teńgege ósim baıqaldy — 472,34 teńgege deıin. Búgingi saýda-sattyq taǵy da quldyraý ákeldi.
Búgingi saýda qorytyndysy boıynsha KASE-de dollardyń ortasha ólshemdi kýrsy 469,83 teńgeni qurady. Elordanyń aıyrbas pýnktterinde saǵat 15:30-da dollardy 467 teńgeden satyp alyp, 474 teńgeden satty. Almatyda satyp alý 466-dan 471 teńgege deıin, satý 471,4-ten 473 teńgege deıin ózgerdi. Shymkentte dollardy 469,5-ten 470,5 teńgege deıin satyp alyp, 471,5-ten 472,5 teńgege deıin satty.
Eýro bir táýlik ishinde 2 teńgeden astamǵa arzandady: onyń KASE-degi ortasha ólshemdi kýrsy 537,76 teńgeni qurady. Astananyń aıyrbas pýnktterinde eýrony 534 teńgeden satyp alyp, 544 teńgeden satty; Almatyda satyp alý 530-dan 540 teńgege deıin, satý 540,5-ten 546,5 teńgege deıin; Shymkentte satyp alý 535-ten 539 teńgege deıin, satý 540-tan 545 teńgege deıin boldy.