Qazaqstan qor bırjasyndaǵy (KASE) dollardyń ortasha ólshengen baǵamy taǵy da ósip, táýlik ishinde 2 teńgege qymbattady. Eýro da osyndaı ósim kórsetti. Eldegi aıyrbas pýnktterinde valúta qazir qansha turatynyn infohub.kz saıty habarlaıdy.
Apta basynan beri Qazaqstanda dollar baǵamy birtindep ósip keledi. Keshe ol 3 teńgeden astamǵa qymbattasa, búgin ósim jalǵasty. Búgingi saýda-sattyq qorytyndysy boıynsha KASE-de dollardyń ortasha ólshengen baǵamy 464,77 teńgeni qurap, 2 teńgege ósti.
Eldiń megapolısterindegi aıyrbas pýnktterinde saǵat 15:30-daǵy jaǵdaı boıynsha, Kurs.kz portalynyń dereginshe, qolma-qol dollardy satyp alý jáne satý baǵamdary tómendegideı: Astanada — satyp alý 460 teńge, satý 467 teńge; Almatyda — satyp alý 458,9-dan 464,8 teńgege deıin, satý 465,3-ten 467 teńgege deıin; Shymkentte — satyp alý 464-ten 465 teńgege deıin, satý 466-dan 467 teńgege deıin.
Eýro baǵamy da 2 teńgege ósti. Onyń ortasha ólshengen máni saǵat 15:30-da 541,15 teńgeni quraıdy. Eldegi aıyrbas pýnktterinde qolma-qol eýrony satyp alý jáne satý baǵamdary tómendegideı: Astanada — satyp alý 533 teńge, satý 543 teńge; Almatyda — satyp alý 533,5-ten 540,5 teńgege deıin, satý 541,5-ten 545 teńgege deıin; Shymkentte — satyp alý 535-ten 540 teńgege deıin, satý 540-tan 545 teńgege deıin.
Eske salaıyq, sarapshylardyń boljamynsha, 2026 jyly dollardyń ortasha baǵamy 490 teńgeni quraıdy, al 2028 jylǵa qaraı ol 562,2 teńgege deıin ósýi múmkin.