Apta ishinde dollardyń teńgege shaqqandaǵy baǵamy 7 teńgege jýyq tómendedi: Qazaqstan qor bırjasynda (KASE) 17 shildedegi saýda qorytyndysy boıynsha amerıkalyq valútanyń ortasha ólshengen baǵamy 470,54 teńgeni qurady, bul aldyńǵy kúnnen 1,53 teńgege az, dep habarlaıdy infohub.kz saıty.
16 shildede KASE-de dollar baǵamy 472,07 teńge deńgeıinde tirkeldi. Osylaısha, apta ishinde (13-17 shilde aralyǵynda) ulttyq valúta 7,28 teńgege nyǵaıdy: dúısenbide baǵam 477,11 teńge bolsa, jumaǵa qaraı 470,54 teńgege deıin tómendedi.
Saýda barysynda dollardyń eń tómengi baǵamy 468,75 teńge, eń joǵarysy 473,58 teńge boldy. Jabylý baǵamy 471,66 teńge deńgeıinde qalyptasty. Saýdanyń jalpy kólemi 359,7 mln dollarǵa jetip, 1 055 mámile jasaldy.
Kurs.kz portalynyń dereginshe, jarıalanǵan kezde Astanadaǵy aıyrbas pýnktterinde dollardy eń kóp degende 475 teńgeden, Almatyda 474 teńgeden satqan.
Qazaqstan Ulttyq Bankiniń 17 shildedegi resmı baǵamy 472,34 teńge bolyp belgilendi. Esepteý tártibine sáıkes, 18-20 shilde aralyǵyndaǵy resmı baǵam 470,54 teńgeni quraıdy.