«Dos izdegen bota» ertegisiniń sahnalyq kórinisi. J. Qaljanova.
Qoıylymnyń maqsaty:
Balalardy tanys ertegi keıipkerleriniń róline, dıalog, monolog túrinde sózderdi dybys yrǵaǵyna keltire aıtýǵa úıretý. Ertegige degen qyzyǵýshylyǵyn arttyrý arqyly sahnada ózin - ózi erkin ustaýǵa qalyptastyrý.
Kórnekilik: Jaılaý beınesi, ańdardyń kıimi.

Qatysýshy keıipkerler:
Botaly túıe
Mysyq
It
Átesh
Baqa
Laq
Qozy
Ara

Júrgizýshi: Erte, erte, ertede botaly túıe bolypty. Ol óziniń jibek júndi súıkimdi balasyna meıirimdilikti, adaldyqty úıretipti. Móldir kózdi bota óte aqyldy bolyp ósedi.
Bir kúni anasy:
- Botashym, men saǵan jaqsy dostan basqanyń bárin berdim. Endi týra óziń sıaqty dos tap. Dossyz ómir qyzyq emes,- deıdi.
Bota ándete jolǵa attanady.
Bota, bota, botamyn,
Aqyldy bop atandym
Tostaqandaı kózim
Ádemimin ózim.
Mysyqty kezdesiredi:
- Bó - ó - ó, men dos izdep júrmin,- deıdi bota bozdap.
- Máý - máý, mıaýlaǵan mysyqpyn,
Ózim tym pysyqpyn,
Kel ekeýmiz dos bolaıyq.
- Joq - joq sen sıaqty dos emes.
Bota ıtti kezdestiredi.
- Af, af,
Atym meniń Saqqulaq,
Júremin ylǵı shapqylap.
Kel ekeýmiz dos bolaıyq.
Bota áteshti kezdestiredi.
- Ký - ka - re - ký,
Alqyzyl meniń aıdarym
Tańmen erte turamyn,
Kel ekeýmiz dos bolaıyq.
Bota baqany kezdestiredi.
- Baqyldaǵan baqamyn,
Qyzyqqa kúnde batamyn.
Bota laqty kezdestiredi.
- Men aqpyn,
Sekeńdegen laqpyn
Kel ekeýmiz dos bolaıyq.
Bota qozyny kezdestiredi.
Men qozymyn,
Momaqannyń ózimin.
Kel ekeýmiz dos bolaıyq.
Bota Arany kezdestiredi.
- Z - z - z, kel ekeýmiz dos bolaıyq,
Gúl tereıik, bal jınaıyq.
- Joq, joq sen sıaqty dos emes.
Ara ashýlanyp qýa jóneledi. Bota zorǵa degende qashyp qutylady.
Anasy: Dos taptyń ba, botam?
- Joq, anashym, senbeseńiz kóktegi kúnnen surańyz. Týra men sıaqty eshkim joq eken.
- Óziń sıaqty degenim, adaldyǵyńdy aıtqanym, botashym. Dosty jan tazalyǵymen tańdaý kerek.
Bota qýanyp dostaryn shaqyryp alady.