Ońtústik Afrıkalyq MMA faıteri Drıkýs dú Plessı nıgerıalyq Kamarý Ýsmanǵa oısyrata jeńilis tattyrdy, dep habarlaıdy infohub.kz saıty.
Orta salmaqtaǵy (83,9 kg-ǵa deıin) bul jekpe-jek UFC Fight Night týrnıriniń Oklahoma-Sıtıdegi basty oqıǵasy boldy.
Jekpe-jek tolyq bes raýndqa sozylyp, negizinen tik turyp ótti. Dú Plessı ár kezeńde ústemdik etip, dál tıgen soqqylar boıynsha qarsylasynan basym boldy jáne ony birneshe ret silkindirdi.
Qorytyndy – sýdıalardyń biraýyzdan sheshimi: 50:45, 49:46, 49:46. Osylaısha, ońtústik afrıkalyq faıter emırattyq Hamzat Chımaevqa belbeýdi joǵaltqan tıtýldyq jekpe-jektegi jeńilistiń ornyn toltyrdy.
Qazir 32 jastaǵy dú Plessıdiń kásibı MMA-da 24 jeńisi jáne úsh jeńilisi bar.
Ýsman orta dıvızıondaǵy ekinshi jekpe-jegin ótkizdi, buǵan deıin Chımaevtan jeńilgen. 39 jastaǵy nıgerıalyqtyń jalpy 21 jeńisi jáne bes jeńilisi bar. Buryn Ýsman UFC-de jartylaı orta salmaqta (77,1 kg-ǵa deıin) chempıon bolǵan.