Dýbaıdan Tel-Avıvke ushqan FlyDubai áýekompanıasynyń ushaǵy qaýip sıgnalyn bergen kezdegi bortta túsirilgen kadrlar ınternette tarady. «Golos Izraılá» Telegram-arnasy jarıalaǵan beınejazbada jolaýshylardyń qoný barysynda án salyp, qol soǵyp jatqany kórinedi, dep habarlaıdy infohub.kz saıty.
«FlyDubai ushaǵynan Saýd Arabıasynda qoný kezinde túsirilgen alǵashqy kadrlar, ızraıldikter alǵys ánderin aıtýda: "Od Avıný Haı!" ("Ákemiz áli tiri", Bereshıt kitaby). Búgin úlken keremet boldy!» — delingen arna jarıalanymynda.
Buǵan deıin buqaralyq aqparat quraldarynda Boeing 737 jolaýshylar ushaǵy Saýd Arabıasy ústinen burylys kezinde apattyq jaǵdaı týraly sıgnal bergeni týraly málimetter paıda boldy. Áýe kemesi urlaý nemese zańsyz aralasý degendi bildiretin 7500 kodyn bergen.
Izraıl Áskerı-áýe kúshteriniń ıstrebıtelderi ushaqqa qaraı kóterildi. Keıin áýe kemesiniń Saýd Arabıasyna qonǵany belgili boldy.
Keıinirek Flydubai áýekompanıasy ızraıldik teledıdarǵa Dýbaı — Tel-Avıv reısinde ushqyshtar arasynda bortta tóbeles bolǵanyn habarlady. Jergilikti BAQ ekıpaj eki ushqyshtan turǵanyn, bireýi Reseıden, ekinshisi Ýkraınadan ekenin málimdedi.
Izraıl premer-mınıstri Bınámın Netanáhý keńsesi FlyDubai áýekompanıasynyń qaýip sıgnalyn bergen ushaǵyndaǵy tótenshe jaǵdaıǵa jaýap berdi.
Keıin ushaqtan alǵashqy kadrlar paıda boldy. Sondaı-aq FlyDubai ushaǵy ushqyshtarynyń azamattyǵy týraly taǵy bir nusqa aıtyldy. Reseı jáne Ýkraına azamattyǵy týraly nusqadan keıin ushqyshtardyń Oman jáne BAÁ azamattyǵy bar ekeni týraly derekter shyqty.