Dýbaıdan Tel-Avıvke ushqan FlyDubai áýekompanıasynyń ushaǵy «urlaý» týraly apat sıgnalyn berdi. Ushaq ishinen alǵashqy kadrlar jarıalandy, dep habarlaıdy infohub.kz saıty.
SHOT Telegram-arnasy ushaqtan túsirilgen alǵashqy sýretti jarıalady. Fotosýrette shabýyldaýshymen kúresken boljamdy jolaýshy beınelengen. Ol qanǵa boıalǵan.
«Ushaqta bolǵandardyń biriniń aıtýynsha, ekıpaj músheleriniń bireýi ushqyshty pyshaqpen jaralap, ushaq júıeleriniń bir bóligin isten shyǵarǵan. Sonda jolaýshy Ianıv taǵy bir er adammen birge kabınaǵa basyp kirip, shabýyldaýshyny zalalsyzdandyrǵan. Sol jolaýshynyń aıtýynsha, baqytymyzǵa oraı, ushaqta taǵy eki ushqysh bolǵan. Olar oqıǵadan keıin Boeing-di Saýd Arabıasynda qondyrǵan. Basqa nusqa boıynsha, jolaýshylar ózara tóbelesken bolýy múmkin», — delingen habarlamada.
Izraıldiń i24 telearnasynyń habarlamasynda (aýdarmasyn RBK keltirgen) tergeý barysynda bılik ushqyshtardyń bireýi ushaqty ádeıi qulatpaq bolǵan degen nusqany tekserip jatqany aıtylady. Onyń áreketin ekinshi ushqysh pen ızraıldik jolaýshylar toqtatyp, apattyń aldyn alǵan boljam bar.
Telearna bul nusqa Flightradar servısiniń derekterin túsindirýi múmkin ekenin atap ótti. Onda ushaqtyń bir mınýt ishinde 14 myń fýtqa (shamamen 4,2 km) kúrt tómendegeni tirkelgen.
Sonymen qatar, Mash Telegram-arnasy ushaqtan túsirilgen alǵashqy beıneni jarıalady. Onda ılúmınatordan kórinis baıqalady, sondaı-aq beınede aıqaılar estiledi. Al Bild basylymy birinshi ushqysh (reseılik) pyshaqpen ózin óltirýge árekettengenin habarlaıdy. Ekinshi ushqysh (ýkraınalyq) oǵan kedergi keltirip, ushaqtyń qulaýyn boldyrmaǵan. Bul nusqa ázirge rastalmaǵan.
Buǵan deıin BAQ-ta Boeing 737 jolaýshylar ushaǵy Saýd Arabıasy ústinen burylys kezinde apattyq jaǵdaı týraly sıgnal bergeni týraly aqparat shyqqan. Ol urlaý nemese zańsyz aralasý degendi bildiretin 7500 kodyn jibergen.
Izraıl Áskerı-áýe kúshteriniń ıstrebıtelderi ushaqqa qaraı kóterilgen. Keıin áýe kemesiniń Saýd Arabıasyna qonǵany belgili boldy.
Odan keıin Flydubai áýekompanıasy ızraıldik telearnaǵa Dýbaı-Tel-Avıv reısinde ushqyshtar arasynda ushaq bortynda tóbeles bolǵanyn habarlady. Jergilikti BAQ ekıpaj eki ushqyshtan turǵanyn, bireýi Reseıden, ekinshisi Ýkraınadan ekenin málimdeıdi.
Izraıl premer-mınıstri Bınámın Netanáhýdyń keńsesi FlyDubai áýekompanıasynyń apat sıgnalyn bergen ushaǵyndaǵy tótenshe jaǵdaıǵa qatysty pikir bildirdi.