Dýbaıdan Tel-Avıvke baǵyt alǵan jolaýshy ushaǵy basyp alynýy múmkin degen dabyl berdi. Aqparat qazir tekserilip jatyr, dep habarlaıdy infohub.kz saıty.
The Times of Israel basylymynyń málimetinshe, áýe kemesi Saýd Arabıasy ústinen burylys jasaý kezinde apattyq jaǵdaı týraly sıgnal jibergen. Reısterdi baqylaý derekterine sáıkes, áýelde Fly Dubai áýekompanıasynyń ushaǵy tótenshe jaǵdaıdy bildiretin 7700 kodyn bergen. Kóp uzamaı ol ushaqtyń urlanýyn nemese zańsyz aralasýdy bildiretin 7500 kodyn jiberdi.
Qaýipsizdik qyzmetterindegi derekkózderdiń aqparaty boıynsha, Izraıl Áskerı-áýe kúshteriniń ıstrebıtelderi ushaqqa qaraı kókke kóterilgen. Izraıldik buqaralyq aqparat quraldary premer-mınıstr men qorǵanys mınıstri shuǵyl keńes ótkizip jatqanyn habarlaıdy.
SHOT derekterine sensek, basyp alynýy múmkin degen dabyldy Boeing 737 jolaýshy ushaǵy bergen. Aldyn ala málimetterge qaraǵanda, ushaq bortynda 180 adam bar, onyń 150-i ızraıldikter. Baza basylymynyń jazýynsha, ushaq apattyq sıgnal berýdi toqtatyp, endi baılanysqa shyqpaı tur.
RBK basylymy Ynet-ke silteme jasap, bortynda 174 jolaýshy, onyń ishinde 27 bala bolýy múmkin ekenin habarlaıdy. Qaýipsizdik qyzmetteriniń ókili ushaqtyń urlanýy týraly naqty aqparat ázirge joq ekenin naqtylady.