InfoHub Logo

Dúzelhanov Aǵymsaly — sýretshi, Qazaqstannyń eńbek sińirgen óner qaıratkeri (1996). Aǵymsaly Dúzelhanov 1951 jyly 19 tamyzda Qyzylorda oblysy Qazaly qalasynda dúnıege kelgen. 1976 jyly Almaty kórkemsýret ýchılıshesin, 1982 jyly Máskeý kórkemsýret ınstıtýtyn bitirgen. Qoldanbaly grafıka, plakat, kitap bezendirý. keskindeme, portret janrlarynda eńbek etedi.

Tarıhı, fólklorlyq taqyryptaǵy jáne balalarǵa arnalǵan 200-den astam kitabi bezendirgen. «Altyn sarbaz», «Túrkistan», «Ordabasy», «Oǵyz han», «Kóroǵly» t.b, keskindeme týyndylarynyń, sondaı-aq «Abylaı han», «Ábilqaıyr han», «Qazybek bı», «Áıteke bı», «Tóle bı», «Qorqyt» t.b. portretter serıasynyń avtory.

Sýretshiniń týyndylary Qazaqstannyń jáne shet elderdiń óner murajaılaryna qoıylǵan. Qazaqstannyń memlekettik syılyǵynyń ıegeri (2003). Qazaq ulttyq óner akademıasynyń profesory. QR Bilim Berý isiniń Úzdigi.

---