Dyson kompanıasy jańa CameraJet tis shetkasyn satylymǵa shyqqannan keıin birneshe apta ótpeı jatyp satylymnan alyp tastady. Sebebi — satyp alýshylardyń shaǵymdary, dep habarlaıdy infohub.kz saıty.
Bloomberg agenttiginiń málimetinshe, shamamen 500 dollar (shamamen 221 myń teńge) turatyn qurylǵy sýdan isten shyqqan, alaıda óndirýshi ylǵaldan qorǵanys bar dep málimdegen.
Shetka qyrkúıek aıynyń basynda satylymǵa shyqty. CameraJet erekshe jańalyq bolýy tıis edi. Oǵan kamera men ırrıgator ornatylyp, korpýsy IPX7 standarty boıynsha sýdan qorǵalǵan.
Biraq satylym bastalǵannan keıin kelesi kúni paıdalanýshylar aqaýlarǵa shaǵymdana bastady. Sý batareıa bólimine kirip, qurylǵy qosylǵannan keıin 30 sekýnd ishinde jumysyn toqtatty.
Ieleri sonymen qatar qýattaý kezinde qyzyp ketýge jáne kontaktilerdiń totyǵýyna shaǵymdandy. Satylym Fransıada, AQSH-ta, Ulybrıtanıada, Sıngapýrda jáne Avstralıada shuǵyl toqtatyldy.
Kompanıa málimdeýinshe, másele qurylǵylardyń az bóligine ǵana qatysty, al taýarlardyń sórelerden joǵalýyn joǵary suranys pen jetkizilimniń jetispeýshiligimen túsindirdi.
Aqaýlardyń naqty sebebi ázirge belgisiz. iFixit kompanıasynyń sarapshysy Kaıl Vıns másele korpýstyń germetızasıasyna nemese qurylǵyny sýdan qorǵaý úshin qoldanylatyn jelimge baılanysty bolýy múmkin dep boljady.
Dyson úshin bul aýyr soqqy, óıtkeni jańalyqty alty jyl boıy ázirlep, oǵan qyryqqa jýyq patent alǵan. Shetkalar qashan qaıta satylymǵa túsetini jáne ony satyp alǵan adamdardyń aqshasy ne bolatyny belgisiz.
Buǵan deıin Kursiv LifeStyle Meta Connect tanystyrylymynda tehnogıgant bolashaq qurylǵylardyń tolyq ekosıstemasyn usynǵanyn jazǵan. Kompanıa basty nazardy Muse jasandy ıntellektin damytýǵa jáne tehnologıalardy qoǵam úshin qolaıly ári qaýipsiz etýge aýdardy.