Portýgalıalyq fýtbolshy Krıshtıaný Ronaldý men onyń uzaq jylǵy súıiktisi Djordjına Rodrıgestiń neke rásiminen keıin tabloıdter men zergerlik sarapshylardyń nazary kelinniń beınesine, ásirese onyń áshekeılerine aýyp otyr. Page Six málimetinshe, Djordjına úılený toıyna fransýzdyq Chopard zergerlik úıiniń jalpy salmaǵy 250 karattan asatyn asyl tastaryn tańdaǵan, al olardyń quny shamamen $50 mln (shamamen 23,1 mlrd teńge) dep baǵalanýda, dep habarlaıdy infohub.kz.
Eń basty áshekeı — ortasynda salmaǵy 50 karat bolatyn almas ornalasqan, aınalasyn jalpy salmaǵy 150 karatqa jýyq usaq tastar qorshaǵan Garden of Kalahari alqasy. Alqany úsh túrli aspaly áshekeımen taǵýǵa bolady, al Djordjına olardyń ekeýin syrǵa retinde paıdalanǵan: biri — 25 karattyq almurt pishindi almas, ekinshisi — 26 karattyq júrek pishindi tas.
Alqanyń ózi qyzyqty tarıhy bar. Ol salmaǵy 342 karat bolatyn Queen of Kalahari almasynan jasalǵan, ol 23 bólek tasqa bólingen. 2023 jyly dál osy alqany, biraq aspaly áshekeılersiz, Beıonse Met Gala keshinde taqqan bolatyn.
Chopard jıyntyǵynan basqa, Djordjına úlken sopaq almasy bar neke saqınasyn saýsaǵyna salǵan. Page Six keltirgen sarapshylardyń baǵalaýynsha, onyń quny $5 mln-ǵa (2,3 mlrd teńge) jetýi múmkin, al ortalyq tastyń salmaǵy 30 karattan asady.
Eske salaıyq, juptyń úılený toıy 11 tamyzda belgili boldy — Ronaldý men Rodrıges tanysqandaryna týra 10 jyl tolǵanda Portýgalıadaǵy úılerinde jabyq rásim ótkizdi. Keıin toıdyń eksklúzıvti kadrlary Vogue jýrnalynda jarıalandy. Jup úlken toıdyń ornyna balalary men birneshe kýágerdiń qatysýymen ońasha neke qıýdy uıǵardy.