Amerıkandyq akter ári mýzykant Djared Leto BBC derekti fılminde ózine qatysty aıtylǵan jynystyq zorlyq aıyptaýlaryn joqqa shyǵardy, — dep habarlaıdy infohub.kz.
29 shildede PEOPLE basylymyna joldanǵan málimdemesinde ártis barlyq aıyptaýlardy qatań túrde joqqa shyǵardy. «Men ómirimde eshqashan eshkimge jynystyq zorlyq jasaǵan emespin. Bul málimdemeler múldem jáne qatań túrde jalǵan», — dep atap ótti Leto.
Buǵan deıin BBC tergeý jarıalap, onda tórt áıel Thirty Seconds to Mars tobynyń frontmenin kámeletke tolmaǵandarǵa qatysty seksýaldyq sıpattaǵy qylmystar jasady dep aıyptaǵan. Onyń bireýi 17 jasynda motelde zorlyq kórgenin málimdegen. Taǵy bireýi 19 jasynda akter qonaqúı bólmesinde ózine seksýaldyq zorlyq kórsetýmen qorqytqanyn aıtqan. Úshinshi áıel Kalıfornıada 17 jasynda Leto-men ıntımdik qarym-qatynasqa túskenin, al tórtinshisi 16 jasynda bastalǵan uıatsyz telefon qońyraýlary týraly habarlaǵan. Jýrnalıser taǵy tórt áıeldiń jas kezinde aktermen telefon arqyly seksýaldyq áńgimeler júrgizgenin aıtqanyn atap ótti.