EasyJet áýekompanıasynyń Tenerıfe (Ispanıa) kýrortynan Lıverpýlge (Ulybrıtanıa) ushqan reısi borttaǵy jappaı tóbeles saldarynan áýede keri burylýǵa májbúr boldy, dep habarlaıdy infohub.kz.
Lenta.ru dereginshe, ushyp shyqqannan keıin shamamen jarty saǵattan soń ekıpaj tóbeles uıymdastyrǵan buzaqylardyń kesirinen ushyp shyqqan áýejaıǵa qaıta oralý týraly sheshim qabyldaǵan. Ushaq qonǵan soń ony polısıa qyzmetkerleri kútip alǵan.
Áleýmettik jelilerdegi Ispanıadan shyqqan bir pikir bildirýshi: «Ulybrıtanıaǵa ushatyn nemese odan keletin ushaqtardyń mundaı qaýipsizdik máselelerine tap bolýynyń kóptigine tań qaldym. Uıat-aı», – dep jazǵan.
Áýekompanıa ókili oqıǵany rastap, kompanıa óz qyzmetkerlerine qatysty destrýktıvti minez-qulyqqa jol bermeıtinin málimdedi.