14 shildede Eýrazıalyq ekonomıkalyq komısıanyń (EEK) alqasy uıaly qurylǵylardy ákelýge qatysty jańa talaptar engizdi: endi ekspress-júkterdi kedendik resimdeý kezinde uıaly baılanys fýnksıasy bar smartfondar men planshetterdiń IMEI-kodtaryn kórsetý qajet. Bul sheshim ázirge tek Qazaqstan men Qyrǵyzstanǵa qatysty, dep habarlaıdy infohub.kz saıty.
Ózgerister ekspress-júkterge arnalǵan jolaýshylar kedendik deklarasıasyn toltyrý tártibine engizildi. «Bul atalǵan qurylǵylardy EAES kedendik aýmaǵyna ákelý kezinde olardy tirkeý jáne tekserý ulttyq erejelerine baılanysty», — dep málimdedi EEK-te.
Eske sala keteıik, ekspress-júkterge arnalǵan jolaýshylar kedendik deklarasıasynyń nysany men toltyrý tártibi EEK alqasymen 2018 jylǵy 16 qazanda bekitilgen bolatyn. Bul qujat ekspress-tasymaldaýshylar jetkizetin jeke paıdalanýǵa arnalǵan taýarlardy kedendik deklarasıalaý kezinde qoldanylady.