Egıpettiń Qyzyl teńiz jaǵalaýynda bolǵan jol apatynan keminde 16 adam qaza tapty. Bul týraly eldiń densaýlyq saqtaý mınıstrligi habarlady. Taǵy 28 adam jaraqat aldy. Oqıǵa sársenbi kúni tańerteń Ońtústik Sınaı provınsıasyndaǵy Dahab pen Nýveıba qalalary arasyndaǵy jolda boldy. Egıpet pen Iordanıa BAQ-tarynyń málimetinshe, qaza tapqandar arasynda Iordanıa azamattary da bar.
Egıpet densaýlyq saqtaý mınıstrliginiń habarlaýynsha, oqıǵa ornyna 20-ǵa jýyq jedel járdem kóligi jiberilip, alǵashqy kómek kórsetilip, jaraqattanǵandar evakýasıalandy. Apattyń sebebi ázirge belgisiz. Bul aımaq — álemniń túkpir-túkpirinen týrıserdi tartatyn tanymal demalys orny.
Egıpette jol apattary jıi tirkeledi. Bıliktiń málimetinshe, 2025 jyly elde 6000-ǵa jýyq adam jol apatynan qaza tapqan. Mundaı oqıǵalardyń sebebi kóbinese abaısyz júrgizý men joldardyń nashar jaǵdaıy dep kórsetiledi. Ótken aıda soltústik-shyǵystaǵy Ismaılıa provınsıasynda eki júk kóligi soqtyǵysyp, 18 adam qaza taýyp, 30 adam jaraqat alǵan edi.