Qazaqstandyqtar endi eGov Mobile mobıldi qosymshasynyń bir bóliminen polısıaǵa oqıǵa týraly habarlaı alady, jeke derekterdiń yqtımal taralýyn teksere alady, kredıtter men mıkrokredıtterden bas tarta alady, sondaı-aq birqatar anyqtama alyp, ákimshilik aıyppuldardy teksere alady. Bul týraly infohub.kz saıty habarlaıdy.
Jańartylǵan servıs eGov Mobile qosymshasynda paıda boldy. Endi ol qaýipsizdik, quqyq buzýshylyqtyń aldyn alý jáne quqyq qorǵaý qyzmetine qatysty servıster jınaqtalǵan biryńǵaı sıfrlyq vıtrına retinde jumys isteıdi.
«Zań jáne tártip» bóliminde qazaqstandyqtarǵa birneshe praktıkalyq sıfrlyq servıs qoljetimdi.
Polısıaǵa habarlaý. «102» servısi arqyly oqıǵa, turmystyq zorlyq-zombylyq, jol-kólik oqıǵasy, jol qozǵalysy erejeleriniń buzylýy jáne polısıanyń aralasýyn qajet etetin basqa da jaǵdaılar týraly ótinish jiberýge bolady.
Jeke derekterdiń taralǵanyn tekserý. Ol úshin Nomad Guard servısi arnalǵan. Ol jeke derekterdiń yqtımal taralý faktilerin tekserýge múmkindik beredi.
Taýar tańbalaýyn tekserý. Naqty Onim servısi taýarlardyń tańbalaýy týraly aqparat alýǵa múmkindik beredi.
Jańa kredıtterdi rásimdeýden qorǵaný. Bólimde kredıtter men mıkrokredıtterden bas tartý servısi de qoljetimdi.
Sonymen qatar qazaqstandyqtar quqyq qorǵaý salasyndaǵy eń suranysqa ıe memlekettik qyzmetterdi ala alady. Atap aıtqanda, bólim arqyly sottylyǵynyń bar-joǵy týraly anyqtama alýǵa, shetelge shyǵýǵa tyıym salynǵanyn tekserýge, adamnyń sybaılas jemqorlyq qylmysyn jasaǵany týraly málimet alýǵa, sondaı-aq ákimshilik aıyppuldardy taýyp, tóleýge bolady.
Jeke blok Qazaqstan Bas prokýratýrasynyń sıfrlyq servısteri men aqparattyq materıaldaryna arnalǵan. Onda, atap aıtqanda, habar-osharsyz ketken adamdardy izdeý servısi, quqyq buzýshylyq týraly ótinishtiń tirkelýin tekserý quraly jáne quqyqtyq statısıka materıaldary qoljetimdi.
«Ulttyq aqparattyq tehnologıalar» AQ derekterine sáıkes, servıs 2025 jyldyń maýsymynda iske qosylǵannan beri ony shamamen 1,4 mln ret paıdalanǵan.
«UAT» AQ komandasy sıfrlyq servıster men memlekettik qyzmetterdi jetildirý boıynsha turaqty jumys istep, olardy azamattardyń qajettilikterine saı yńǵaıly ári qoljetimdi etip keledi», — dedi «Ulttyq aqparattyq tehnologıalar» AQ basqarma tóraǵasy Dáýlet Bekmanov.
Buǵan deıin eGov-ta shuǵyl aýrýhanaǵa jatqyzý týraly habarlama servısi iske qosylǵan bolatyn.