Leıden ýnıversıtetiniń arheologtary Mysyrdyń týrızm jáne kóne jádigerler mınıstrligimen birlesip, Fıva qalasyndaǵy qorymnan mańyzdy jańalyq ashty, dep habarlaıdy infohub.kz.
Lýksorǵa jaqyn ornalasqan Tómengi Sheıh Abd el-Kýrna qorymyndaǵy aýmaqty tazartý jumystary kezinde zertteýshiler Ramessıdter dáýirine jatatyn buryn belgisiz bolǵan qabirdi tapty. Qabyrǵadaǵy sýretter bul jerlengen oryn Paser esimdi kóne mysyrlyq sheneýnikke tıesili ekenin anyqtaýǵa múmkindik berdi.
Qabirdiń ishki qurylymy ashyq aýladan, jartasqa qashalǵan ǵıbadathanadan jáne jer astyndaǵy jerleý kameralarynan turady. Saqtalǵan ashyq tústi freskalarda Paserdiń qudaılarǵa tabynýy, sondaı-aq onyń jubaıymen birge qurbandyq ústeliniń aldynda otyrǵan kórinisi beınelengen. Qabyrǵalardy juqa shań qabaty basqan, ony tazartqannan keıin mamandar qabir ıesiniń ómiri týraly qosymsha aqparat alýǵa úmittenedi.
Bul jańalyq eskertkishterdi kenetten bolatyn sý tasqynynan qorǵaý sharalary aıasynda jasaldy. Klımattyń ózgerýine baılanysty Lýksor mańynda qatty jańbyr jıilep, jartastaǵy qabirlerdi sý basý jáne qıratý qaýpin týdyrýda. Osyǵan baılanysty arheologtar qurylymdardy shuǵyl túrde nyǵaıtyp, artefaktilerdi saqtaý úshin sý burý júıesin ázirleýde.