Almaty oblysy Qarasaı aýdanyndaǵy Qasqyr taýynda eki jasóspirim jaıaý júrý kezinde baǵyttan adasyp ketken, dep habarlaıdy infohub.kz saıty.
TJM málimetinshe, qutqarýshylar taýda adasqan jasóspirimderdi tapty. Túnde Qasqyr taýynda eki jasóspirimniń jaıaý júrý kezinde baǵyttan adasqany anyqtaldy. «Baılanys úzilgenge deıin olar óz betinshe jol taba almaıtynyn aıtyp, kómek surap úlgergen. Telefony tolyǵymen derlik zarádsyzdanǵandyqtan sońǵy baılanys úzilgen», — dedi vedomstvoda.
İzdeýge QR TJM «Barys» respýblıkalyq qutqarý qyzmetiniń qutqarýshylary dereý shyqty. İzdeý-qutqarý operasıasy barysynda jasóspirimder Qasqyr taýynyń betkeıinen tabyldy. Baqytymyzǵa oraı, olarǵa medısınalyq kómek qajet bolmady.
Qutqarýshylar jasóspirimderdi qaýipsiz marshrýtpen Prohodnoe shatqalyna deıin alyp baryp, sodan keıin ata-analarymen kezdesý ornyna jetkizdi.