Ekibastuzda beınebaqylaý kameralaryna túsip qalǵan aıaýsyz qatygezdik oqıǵasy boıynsha sot úkim shyǵardy. Áıel adam er adamdy óltirip, taǵy bir áıeldi óltirmek bolǵany úshin kináli dep tanyldy, dep habarlaıdy infohub.kz saıty.
Sot anyqtaǵandaı, aıyptalýshynyń kinási onyń óziniń kórsetýimen, kýágerlerdiń aıǵaqtarymen, sot-saraptama qorytyndylarymen jáne basqa da dáleldemelermen rastalǵan.
Jaza taǵaıyndaý kezinde sot jeńildetetin mán-jaı retinde kináni jartylaı moıyndaýdy eskerdi. Aýyrlatatyn mán-jaılar retinde qylmystyń masań kúıde jasalýy jáne qaýipti resıdıv tanyldy.
Kisi óltirýge oqtalý úshin sot 10 jyl, al dármensiz kúıdegi adamdy óltirgeni úshin 16 jyl bas bostandyǵynan aıyrý jazasyn taǵaıyndady. Qylmystardyń jıyntyǵy boıynsha túpkilikti jaza 17 jyl boldy.
Sottalýshy jazasyn barynsha qatań rejımdegi mekemede óteıtin bolady.
Qaıǵyly oqıǵa Ekibastuzdyń bir aýlasynda bolǵan. Janjal beınebaqylaý kameralaryna túsken. Er adam pyshaq jaraqatynan oqıǵa ornynda kóz jumǵan, al áıeldi aýyr jaraqatpen aýrýhanaǵa jetkizgen.