Búgin Pavlodar oblysyna aýa raıy qatty soqty — Ekibastuz ákimdigi jergilikti deńgeıdegi tabıǵı sıpattaǵy tótenshe jaǵdaı rejımin engizýdi josparlap otyr. Bul týraly infohub.kz saıty habarlady.
Jergilikti deńgeıdegi tabıǵı sıpattaǵy tótenshe jaǵdaıdy jarıalaý týraly tıisti sheshim jobasy «Ashyq NQA» portalynda jarıalandy.
«2026 jyldyń 19 shildesinde bolǵan gıdrometeorologıalyq qubylysqa baılanysty Ekibastuz qalasynyń aýmaǵynda jergilikti deńgeıdegi tabıǵı sıpattaǵy tótenshe jaǵdaı jarıalansyn», — delingen qujat jobasynda.
Jobada kórsetilgendeı, TJ rejımi Ekibastuz qalasynyń aýmaǵyndaǵy tabıǵı sıpattaǵy tótenshe jaǵdaıdyń saldaryn joıý úshin engiziledi.
Búgin Pavlodar oblysyna aýa raıy qatty soqqany belgili boldy. Atap aıtqanda, Pavlodar qalasynda qatty jańbyr, burshaq, naızaǵaı jáne jel boldy. Aımaqta adamdar zardap shekti.