Qazaqstandyq ekonomıs Almas Shýkınniń pikirinshe, kólik satyp alý ınvestısıalyq turǵydan tıimsiz. Onyń aıtýynsha, sırek qatynaıtyndar úshin taksı men jaldamaly kólik óz kóliginen arzanǵa túsýi múmkin, dep habarlaıdy infohub.kz saıty.
Shýkınniń paıymdaýynsha, basty qarjylyq shyǵynnyń biri — kólik qunynyń tómendeýi. Mysal retinde ol shamamen 20 myń dollar turatyn jańa kólikti keltirdi. Ekonomısiń esebinshe, satyp alǵan boıda avtomobıl qunynyń shamamen 10 paıyzyn joǵaltýy múmkin. Bul jaǵdaıda ıesi salonnan shyqqan bette 2 myń dollardan aıyrylady.
Taǵy bir jyldan keıin, Shýkınniń baǵamy boıynsha, kólik qosymsha 10–15 paıyzǵa arzandaýy yqtımal. Sonymen qatar ıesi otyn, tehnıkalyq qyzmet, turaq jáne basqa da shyǵyndarǵa aqsha jumsaýdy jalǵastyrady.
Ekonomıs kólikti sırek paıdalanatyndarǵa kúndelikti júris úshin taksıdi qarastyrýdy, al alys saparlarǵa nemese qala syrtyndaǵy demalysqa kólikti jaldaýdy usynady.
Alaıda qaı nusqa arzan ekenine qatysty ámbebap jaýap joq. Túpkilikti shyǵyndar jeńil kóliktiń qunyna, jyldyq júrisine, otyn shyǵynyna, qyzmet kórsetý baǵasyna, turaqqa jáne taksı tarıfterine baılanysty.
Sondyqtan kólik satyp alar aldynda onyń baǵasyn ǵana emes, birneshe jylǵa jalpy ıelený qunyn da eseptegen jón. Kóp júretin júrgizýshi úshin óz kóliginiń ekonomıkalyq artyqshylyqtary aptasyna birneshe ret qana qatynaıtyn adamǵa qaraǵanda ózgeshe bolýy múmkin.
Buǵan deıin Kýrsıv Avto Qazaqstanda kólik ustaýǵa qansha aqsha ketetinin jazǵan bolatyn.