Mıllıardtaǵan qarajatty jymqyrǵany úshin sottalǵan eks-bankır Jomart Ertaev jaza merzimin tolyq ótep, bostandyqqa shyqty. Alaıda onyń tarıhy munymen bitpedi — oǵan qatysty ákimshilik qadaǵalaý belgilendi, dep habarlaıdy infohub.kz saıty.
Ertaevtyń bostandyqqa shyǵýy týraly aqparatty Qylmystyq-atqarý júıesi komıteti (QAJK) túsindirdi.
«Zańnamaǵa sáıkes osy sottalǵan adamǵa qatysty alty jyl merzimge ákimshilik qadaǵalaý júrgiziledi. Ákimshilik qadaǵalaý — bas bostandyǵynan aıyrý oryndarynan shyqqan adamnyń minez-qulqyn ishki ister organdary zańda belgilengen tártippen baqylaýǵa alýy», — dedi QAJK «Kýrsıvke».
Jomart Ertaev 1972 jyly Almaty oblysynda dúnıege kelgen. 2000-jyldardyń basynda ol Aláns Bankin basqardy, keıin BTA Banki men Eýrazıalyq bankte jumys istedi. Sondaı-aq «Alma-TV» men Alma Group-ty basqarǵan.
2009 jyly Ertaev Aláns Bankinen 1,1 mlrd dollar jymqyrǵany týraly is boıynsha ustaldy. Toǵyz aı tergeý ızolátorynda otyrǵan soń shartty jaza aldy.
2020 jyly ol Bank RBK-ten 144 mlrd teńge jymqyrǵany úshin 11 jylǵa sottaldy. 2021 jyly merzimi toǵyz jylǵa qysqartyldy.
2025 jyldyń kúzinde Ertaev raqymshylyq boıynsha shartty túrde merziminen buryn bosatylǵan edi, alaıda merziminen buryn bosatý týraly qaýly kúshi joıylyp, ol kolonıaǵa qaıtaryldy.
Kúni keshe jýrnalıs Mıhaıl Kozachkov sottalǵan eks-bankırdiń túpkilikti bostandyqqa shyqqanyn habarlady.