Iorktyń burynǵy gersogy Endrú Maýntbatten-Vındzor Djeffrı Epshteınniń qujattaryna qatysty is boıynsha tutqyndalýyna baılanysty Temza alqabynyń polısıasyna (Thames Valley Police) qarsy sot isin bastady, dep habarlaıdy infohub.kz saıty.
The Telegraph basylymyna belgili bolǵandaı, eks-prınstiń segiz aı burynǵy ustalýy qoǵamda úlken rezonans týdyrǵan. Endi ol polısıanyń ózine qatysty áreketteri zańdy boldy ma, sony anyqtaýdy surap sotqa júgindi.
Ol Sandrıngem pomestesindegi úıi men Vındzordaǵy burynǵy Roıal-Lodj rezıdensıasynda polısıanyń tintý júrgizýine múmkindik bergen orderlerge qatysty sottyq qaıta qaraý týraly talap qoıý aryzyn berdi.
Bul — 1649 jyly Karl I sotynan bergi kоról otbasy múshesiniń ózine qatysty qylmystyq qýdalaýdyń zańdylyǵyna daý aıtqan alǵashqy jaǵdaıy. Onyń advokattary Temza alqabynyń polısıasynyń suraýy boıynsha Ortalyq qylmystyq sottyń (Old-Beılı) sýdıasy bergen tintý orderleriniń zańdylyǵyn tekserýdi kózdep otyr.
Basylymǵa belgili bolǵandaı, osy aptada Joǵarǵy sotta osy talasqa qatysty keıbir sot qujattaryn jarıa etý máselesi qaralatyn jabyq tyńdaý ótedi.
Eske salaıyq, aqpan aıynda biz eks-prıns Endrúdi resmı laýazymdardy atqarǵan kezeńde óz mártebesin asyra paıdalandy dep kúdiktenetinin jazǵanbyz. Buǵan deıin Endrú kámeletke tolmaǵandardy jynystyq saýdaǵa satýǵa aıyptalǵan jáne 2019 jyly túrme kamerasynda asylyp óli tabylǵan Epshteınmen tyǵyz baılanysy týraly belgili bolǵan soń, hanzada ataǵynan aıyrylǵan edi.
Maýntbatten-Vındzordyń ózi Epshteın isine qatysty kez kelgen quqyq buzýshylyqty árdaıym joqqa shyǵaryp, onymen dostyǵyna ókinetinin málimdegen. Aıtpaqshy, Karl III qarsańynda bul jaǵdaıǵa pikir bildirgen.
Sondaı-aq Ulybrıtanıa koroli Karl III-niń inisi Endrú Maýntbetten-Vındzordyń shamamen 12 saǵatqa sozylǵan jaýap alýdan keıin bosatylǵany belgili boldy. Keıin BAQ-ta eks-prıns Endrú men balanyń qorqynyshty sýretteri paıda boldy.