Qazaqstanǵa World Business Consulting qarjy pıramıdasyn uıymdastyrýshy ekstradısıalandy, dep habarlaıdy infohub.kz.
Elordalyq Qarjy monıtorıńi agenttigi (QMA) departamenti qarjy pıramıdasynyń qurylymdyq bólimshesin quryp, basqarǵan is boıynsha tergeýdi aıaqtady. Tergeý dereginshe, 2020 jyly kúdikti azamattardyń aqshasyn joǵary kiris ýáde etip, ınvestısıalyq baǵdarlamalarǵa qatysý degen syltaýmen tartqan. Kompanıanyń lısenzıasy bolmaǵan jáne is júzinde ınvestısıalyq operasıalar júrgizbegen.
«Qarajattardy tartý qolma-qol túrde, býhgalterlik qujattarsyz júzege asyrylǵan. Zańdylyq kórinisin jasaý úshin salymshylarǵa onlaın-platformada jeke kabınetter ashylyp, onda «kiristilik» jalǵan kórsetilgen», — dep málimdedi QMA. Túsken qarajat pıramıdanyń klasıkalyq sqemasy boıynsha bólingen: buryn tartylǵan qatysýshylarǵa tólemder jańa salymshylardyń esebinen júrgizilgen. Klıenttik bazany keńeıtý úshin prezentasıalar, úgit-nasıhat sharalary jáne BAÁ men Túrkıaǵa saparlar paıdalanylǵan.
Sqemany iske asyrýdyń bastapqy kezeńinde toqtatty. 2024 jyly kúdikti halyqaralyq izdeý jarıalandy, sot oǵan syrttaı qamaýǵa alý sanksıasyn berdi. 2026 jyldyń qańtarynda áıel Grýzıada ustalyp, Qazaqstanǵa ekstradısıalandy. Sot sanksıasymen onyń jer telimine tyıym salyndy. Qylmystyq is sotqa jiberildi.
Jyl basynan beri QMA 15 qarjy pıramıdasyn joıdy. Zardap shekkenderge shyǵyndy óteý úshin uıymdastyrýshylardyń múlkine jalpy somasy 662 mıllıon teńgege tyıym salyndy. Aldyn alý sharasy retinde áleýmettik jelilerde 25 myńnan astam qatysýshysy bar 22 chat buǵattaldy, al «Kıberqadaǵalaý» júıesinde quqyqqa qaıshy mazmun belgileri bar 1,1 myń saıt pen akkaýnt buǵattaldy. QMA azamattardy saq bolýǵa jáne kúmándi qarjy uıymdaryna qarajat salmaýǵa shaqyrdy.