Qarjy monıtorıńi agenttigi halyqaralyq izdeý jarıalanǵan er adamnyń Qazaqstanǵa ekstradısıalanǵanyn habarlady, dep NUR.KZ agenttiktiń baspasóz qyzmetine silteme jasap habarlaıdy. Vedomstvonyń baspasóz qyzmetindegilerdiń aıtýynsha, QMA men Interpol buryn halyqaralyq izdeý jarıalanǵan Ulan Baıbolov esimdi azamatty elge qaıtardy... dep habarlaıdy infohub.kz saıty.
Tergeý derekteri boıynsha, Baıbolov U.M. qylmystyq toptyń múshesi bolǵan, onyń qyzmeti búdjetke salyqtar men basqa da mindetti tólemderdi júıeli túrde tólemeýge baǵyttalǵan. Qylmystyq sqema kásiporyndardy nomınaldy basshylarǵa satyp alý jáne qaıta tirkeý, olardyń banktik shottary arqyly qarjy operasıalaryn júrgizý, salyq eseptiligine ádeıi burmalanǵan málimetterdi engizý jáne keıin aqshany qolma-qol aqshaǵa aınaldyrý bolǵan.
QMA málimetinshe, osy sqemada qoldanylǵan kásiporyndardyń biri «Sfera» JSHS bolǵan, onyń dırektorynyń orynbasary bolyp 2014 jyly Baıbolov U.M. taǵaıyndalǵan. Agenttiktiń málimdeýinshe, top músheleri JSHS-tiń esep aıyrysý shottarynan 2,5 mlrd teńgeden astam qarajatty qolma-qol aqshaǵa aınaldyrǵan. Sonymen qatar, qosymsha eseptelgen salyq somasy 1 mlrd teńgeden asty. Sot kúdiktige qatysty qamaýda ustaý túrindegi bultartpaý sharasyn sanksıalady. Tergeý jalǵasýda.