Vetnamnan Qazaqstannyń quqyq qorǵaý organdarynan jasyrynyp júrgen shetel azamaty ekstradısıalandy, dep habarlaıdy infohub.kz.
Tergeý nusqasy boıynsha, 2022-2023 jyldary kúdikti seriktesimen birge Almatyda zańsyz oıyn bıznesin uıymdastyryp, 12 mıllıon teńgeden astam qylmystyq kiris tapqan.
Qylmys jasalǵannan keıin bir kúdikti ustalyp, qylmystyq jaýapkershilikke tartylsa, ekinshisi quqyq qorǵaý organdarynan jasyrynyp, halyqaralyq izdeýge jarıalanǵan.
Aqpan aıynda kúdikti Vetnamda ustalyp, Qazaqstan Bas prokýratýrasynyń suraýy boıynsha elge qaıtaryldy.
Qazir ol tergeý ızolátoryna jabyldy. Taǵylǵan aıyp boıynsha oǵan bes jylǵa deıin bas bostandyǵynan aıyrý jáne múlkin tárkileý jazasy qarastyrylǵan.