Almatyda zańsyz oıyn bıznesin uıymdastyrdy degen kúdikti Vetnamnan ekstradısıalandy, dep habarlaıdy infohub.kz.
Qazaqstan Bas prokýratýrasynyń qyzmetkerleri İİM Interpol Ulttyq ortalyq búrosymen birlesip, Qazaqstannyń Vetnamdaǵy elshiliginiń kómegimen halyqaralyq izdeýde júrgen sheteldikti ekstradısıalady. Bul týraly Bas prokýratýranyń baspasóz qyzmeti málimdedi.
Tergeý nusqasy boıynsha, 2022–2023 jyldary kúdikti seriktesimen birge Almaty aýmaǵynda zańsyz oıyn bıznesin uıymdastyryp, 12 mln teńgeden astam qylmystyq kiris alǵan. Qylmys jasalǵannan keıin bir fıgýrant qylmystyq jaýapkershilikke tartylsa, ekinshisi jasyrynyp, izdeý jarıalandy.
Aǵymdaǵy jyldyń aqpan aıynda er adam Vetnam aýmaǵynda ustalyp, Bas prokýratýranyń suraýy boıynsha Qazaqstanǵa ekstradısıalandy. Qazir kúdikti tergeý ızolátoryna ornalastyrylǵan.
Aıyptalatyn áreket úshin múlki tárkilenip, bes jylǵa deıin bas bostandyǵynan aıyrý jazasy qarastyrylǵan.